"WABUNGE ACHENI MASLAHI BINAFSI TUNAHITAJI KATIBA BORA,KAENI MKIJUA MTAZIDI KUTUUMIZA SISI WALALAHOI"

Mmoja kati ya wanachama wa CCM kata ya Tambukareli manispaa ya Tabora akiwa nyumbani kwake.

DALADALA KIGOMA WAFANYA MGOMO

kamanda wa polisi Frasser Kashai akiwapoza madereva na konda wa vyombo vya usafiri kigomawakiwa kwenye ofisi za sumatra wasikilize maelekezo aliyopewa na mkuu wa mkoa Lt.mstaafu Issa Machibya pembeni ni Katibu tawala wa wilaya ya kigoma Joshua Elisha na aliyevaa flana nyeupe ni meneja wa sumatra picha na Magreth Magosso).

Na Magreth Magosso,Kigoma

WAKAZI wa Manispaa ya Kigoma Ujiji,wamelazimika kutembea kwa miguu kutokana na mgomo wa vyombo vya usafiri   kwa kile kinachodaiwa hawana sare mpya kwa mujibu wa Mamlaka ya usimamizi wa usafiri vyombo vya moto nchi kavu na majini (SUMATRA).

 

Hali hiyo imekuja baada ya SUMATRA kukamata zaidi ya daladala 20 ambazo zinatoa huduma kwa wakazi wa manispaa hiyo kwa dai la kutokuwa na sare husika wakati wana risiti ya sare hizo ambazo bado hawajakabidhiwa na mzabuni wa kushona sare hizo hali iliyowalazimu kugoma kutoa huduma kwa umma ili kero hiyo ifanyiwe marekebisho.

 

Kwa upande wa Naibu Katibu wa umoja wa wamiliki wa magari  kigoma (KIBOA)Hussein Kaliango alisema,mamlaka imetoa wiki mbili  kwa mwenye  daladala awe na sare hizo hali inayokwaza  mchakato huo kutokana na muda mfupi na wingi wa wateja.

 

Kwa nyakati tofauti madereva wa daladala Kalenga Kasaka na Rashid Juma walisema wanatozwa kiasi cha shilingi laki mbili na nusu endapo hauna sare hizo sanjari na kukamata gari,hata kama wakionyesha risiti ambazo tayari wamelipia sare hizo.

 

Kwa niaba ya Mkuu wa Mkoa Kamanda  wa hapa Frasser Kashai alisema  hana mpango wa kutumia mabomu ya machozi kwa madereva na makonda ambao wapo katika mgomo huo,huku akiwataka wawakilishi watatu toka kwa walengwa waende kwa katibu tawala wa mkoa ili kuboresha mgomo huo.

 

 Meneja wa SUMATRA kigoma Adamu Mamilo alipoulizwa juu ya hilo alisema awali walikaa kikao na wadau wa vyombo vya usafiri juu ya sare mpya ziwe kamili mwanzoni mwa mwezi huu na kuingia ndani ya gari la kamanda wa polisi akidai wanaenda kwa katibu tawala kumaliza hilo.

 

Baadhi ya abiria Mawazo Mikidadi na Kamongo Sibonja walisema hali hiyo inathiri shughuri za uzalishaji mali,kutokana na wananchi kushindwa kufika maeneo yao ya kazi kwa wakati muafaka,huku wakishauri wadau wakae pamoja kumaliza adha hiyo.

WANAFUNZI WA SAUTI WANACHAMA WA CHADEMA TABORA WALALAMIKIA UBORESHAJI WA DAFTARI LA MPIGA KURA

Baadhi ya viongozi wa wanafunzi wa Chuo cha SAUT anbao ni wanachama wa Chadema CHASO wakizungumza na waandishi wa habari katika ofisi za Chadema Kanda ya Magharibi ambapo walilalamikia uboreshwaji wa daftari la mpiga kura kabla ya kuelekea kwenye chaguzi za serikali za mitaa.Mbali na hilo CHASO wameazimia kwa kauli moja kususia zoezi la kupigia kura upitishwaji wa rasimu ya pili ya katiba mpya kabla ya kuboresha daftari la mpiga kura.

KLINIKI YA SOKA YA MAN U KUFANYIKA JIJINI DAR

Mkurugenzi wa Mawasiliano Airtel Tanzania Beatrice Singano akiongea na waandishi wa Habari wakati wa kutangaza Kliniki ya Kimataifa ya mpira wa soka ya Manchester United ambayo itafanyika Jijini Dar es Salaam April 23-27 chini ya wakufunzi kutoka Klabu ya Manchester United. Kushoto ni Mkurugenzi wa Mashindano ya Vijana Ayoub Nyenzi.

-Kuendeshwa na wakufunzi wa Man U

-Kushirikisha nchi 12

-Tanzania kuwakilishwa na wachezaji 19

Kampuni ya simu za mkononi ya Airtel Tanzania leo imetangaza kufanyika kwa kliniki ya soka ya Kimataifa ya Manchester United hapa Dar es Salaam kuanzania 23 -27 Aprili mwaka huu.

Kliniki hiyo ambayo itafanyika kwenye uwanja wa Azama FC (Chamazi Complex Stadium), ina nia ya kuwaendeleza vijana waliofanya vizuri kwenye michuano ya mwaka jana ya kimataifa ambayo ilifanyika Lagos, Nigeria na kushirikisha nchi 12 ambapo timu ya Tanzania ya wasichana iliibuka mabingwa.

Hii ni mara ya pili kwa kliniki kama hiyo kufanyika hapa nchini kufuatia kliniki kama hii liyofanyika kwenye Uwanja wa Taifa 2011. Kliniki nyingine ilifanyika Nairobi 2012 na Tanzania iliwakilishwa na wavulana watatu na wasichana watatu.

Kama ilivyokuwa kwenye kliniki zilizopita, kliniki ya mwaka huu itaendeshwa na makocha kutoka shule za soka za Klabu ya Manchester United na wanatarajiwa kutoa mafunzo ya awali ya mpira wa miguu kama vile kupiga pasi, kukimbia na mpira, kupiga mashoot, nidhamu na nyingine nyingi.

Akiongea na waandishi wa habari jijini Dar es Salaam leo, Mkurugenzi wa Mawasiliano wa Airtel Tanzania Beatrice Singano alisema kliniki hiyo ni sehemu ya mpango kapambe wa Airtel kusaka na kuendeleza vipaji vya soka hapa Tanzania na Barani Afrika kwa ujumla.

Mkurugenzi wa Mawasiliano Airtel Tanzania Beatrice Singano akiongea na waandishi wa Habari wakati wa kutangaza Kliniki ya Kimataifa ya mpira wa soka ya Manchester United ambayo itafanyika Jijini Dar es Salaam April 23-27 chini ya wakufunzi kutoka Klabu ya Manchester United. Kulia ni Afisa Uhusiano Airtel Tanzania Tanzania Public Relations Officer Jane Matinde. 

 ‘Airtel inajivunia kuwekeza kwenye soka ambayo ina uwezo wa kuileta jamii pamoja kupitia hamasa ya mashabiki na yenye uwezo wa kuwafanya wachezaji kupata elimu pamoja na ajira’, anasema Singano.

Aliongeza kuwa Airtel inajivunia programu ya Airtel Rising Stars kwa kuleta furaha na hamasa kubwa miongoni mwa vijana wa Tanzania na pande nyingine za Bara la Afrika hivyo kuifanya kampuni ya Airtel kuhamasika kuendelea kuwekeza kwenye soka.

Kwa upande wake, Katibu Mkuu wa Shirikisho la Soka Tanzania (TFF) Celestine Mwesigwa ameishukuru kampuni ya Airtel kwa mpango huu makini wenye nia ya kutafuta na kuendeleza vipaji chipukizi vya soka Tanzania.

 ‘Ninaamini ya kwamba Tanzania imebarikiwa kuwa na vipaji vingi vya soka. Tunachohitaji ni uwezo wa kifungi na raslimali za kutuwezesha kusonga mbele na ndio maana tunawashukuru Airtel kwa kujitokeza kutuunga mkono kupitia programu hii ya vijana’, Anasema katibu wa TFF.

Washiriki wa kliniki hii watatoka nchi za Kenya, Uganda, Malawi, Chad, Burkina Fasso, Sierra Leon, Sheli sheli, Congo Brazzaville, Nigeria, Zambia na wenyeji Tanzania ambao watawakilishwa na wachezaji 19.

Airtel Rising Stars ni programu inayojumuisha Africa nzima ili kutoa nafasi kwa wanasoka chipukizi chini ya umri wa miaka 17 kuonyesha uwezo wao mbele ya mawakala wa soka, makocha na kupata fursa ya kujiendeleza zaidi. Mpango huu unawalenga wavulana na wasichana Barani Afrika.

 

MARUFUKU BODA BODA NA BAJAJI ZA ABIRIA KUVUKA MWENGE KWENDA POSTA

Oparesheni Kamata Bodaboda na Bajaji ikiwa inaendelea upande wa Mwenge mataa ambapo Bajaji nyingi zimekamatwa.

Askari wa Usalama wa Barabarani akiwa anawaandikisha Baadhi ya Bodaboda na Bajaji wenye makosa mbalimbali ili waweze kulipia tozo pamoja na kupelekwa kituo cha Polisi.

Baadhi ya Bodaboda na Bajaji wakiwa wanangojea Hatma yao baada ya kukamatwa.


Baadhi ya Bodaboda zikiwa zimekamatwa.

  Madereva wa Boda Boda na Bajaji wakipata maelezo ya kina ya kwanini wamezuiliwa  kwenda Posta wakitokea Mwenge.

Mmoja wa Madereva wa Bodaboda akiwa amekaa kwa mawazo asijue anafanya nini Baada ya Bodaboda yake kukamatwa na Kupelekwa Polisi.(Picha na Dar es salaam yetu).

Oparesheni Nzito ya kuzuia Bodaboda na Bajaji zisifanye safari zake  kutoka Mwenge na maeneo mengine kuelekea mjini Posta imechukua sura mpya leo baada ya Askari wa Usalama wa Barabarani kuanza kukamata Bodaboda na Bajaji zote zinazovuka Mwenge kuelekea Posta, Zoezi hilo ambalo limefanyika Mwenge Mataa Jijini Dar limeendelea kufanyika na kufamikiwa kuwanasa wengi.

Kwa mujibu wa Msemaji na Muongozaji wa Oparesheni hiyo ambaye hakutaka kutajwa jina lake alisema kwamba wameamua kufanya hivyo ili kuzuia Msongamano wa Magari pamoja na bodaboda pia Bajaji kuelekea Mjini Posta, Aliongeza kuwa kumekuwa na uhalifu sana wa Silaha unaotumiwa na bodaboda hasa maeneo ya mjini hivyo ndio maana wameamua kuzuia.

“Tumefanya hivi ili kuepusha msongamano kuelekea Posta, lakini pia kumekuwa na uhalifu sana unaotumiwa kwa njia ya Bodaboda hivyo tunafanya oparesheni hii ili kupunguza tatizo hili. 

Tulicho kifanya tumewaruhusu kufanya safari pembezoni mwa mji tuu hivyo Eneo la Mwenge kwa sasa Limeingia katika zone ya eneo la Mjini,Kama tuliweza kuzuia Daladala ndogo”Hiace” pia na hawa watakuja kuelewa ingawa ni zoezi gumu na linalo hitaji elimu ya ziada ambayo tumesha anza kuwapa na tunaendelea kuwapa”  alimalizia kwa kusema “Pia hii ni Oparesheni ya kawaida tuu ya kukamata wale ambao hawana Leseni za kuendesha vyombo hivi pamoja na makosa mbalimbali” alisema Polisi huyo.
Kwa mujibu wa madereva wa Bodaboda na Bajaji wamesema kwamba huo ni uonevu kuwakataza wao wasiweze kwenda Mjini kwani na wao wanatafuta ridhiki yao na wameomba Serikali iwasaidie wapatiwe njia mbadala ya wao kwenda maeneo hayo.
Wanao ruhusiwa kwenda Posta na Bajaji au Bodaboda ni wale ambao ni wamiliki binafsi na wanatakiwa wapite njia hizo wakiwa Bila abiria yoyote.

NHIF YAKUTANA NA WAKUU WA SHULE ZA SEKONDARI MIKOA YA SHINYANGA,SIMIYU NA TABORA.

Afisa Matekelezo na Uratibu NHIF mkoa wa Tabora Bw.Hema Daniel akizungumza katika mkutano wa Wakuu wa Shule za Sekondari kanda ya Magharibi ambapo aliwataka  wakuu hao kuwahamasisha wanafunzi kujiunga na mfuko wa afya ya Jamii.

Bw.Hema alipata fursa pia ya kujibu maswali ya wakuu hao wa Shule za Sekondari kuhusu changamoto za mfuko huo ambao umeboreshwa na kupanua wigo kwa kuhakikisha kila mwananchi anajiunga na kunufaika na mfuko huo wa afya ya Jamii

Baadhi ya wakuu wa shule za Sekondari  mikoa ya Tabora,Shinyanga na Simiyu wakimsikiliza kwa makini Afisa Matekelezo na Uratibu NHIF mkoa wa Tabora Bw.Hema wakati alipokuwa akizungumza na wakuu hao juu ya mfuko wa Afya ya Jamii.

CHAMA CHA AMCOS NGURUKA KUFANYIWA UPYA UKAGUZI WA HESABU

Na Magreth Magosso,Kigoma

CHAMA cha wakulima wa zao la tumbaku cha Hongera Amcos Kata ya Nguruka wilayani Uvinza Mkoa wa Kigoma, kimetakiwa kifanyiwe upya ukaguzi wa mahesabu,kutokana na sintofahamu ya mwenendo wa viongozi wake kutokuzingatia  misingi ya utawala bora,hali inayowakwaza wananchama wa chama hicho.

Kauli hiyo imekuja baada ya Naibu Waziri wa kilimo na chakula Godfrey Zambi kubainika kuwa kuna baadhi ya viongozi wanakitumia chama  hicho kwa maslai yao binafsi badala ya kuwakwamua wahusika ili waondokane na umaskini katika familia zao na jamii husika.

Aidha,Waziri huyo aliitaka Ofisi ya Mlajisi Mkuu wa mjini Dododoma,asikilize kero za wananchama wa chama hicho wakiwemo wanachama tisa ambao wamefukuzwa bila kanuni,taratibu na sheria kwa misingi ya kujenga utawala bora ili kujenga usawa na haki kwa kila mwanachama.

Naye Afisa Mlajisi makao Makuu  Moshi  Mkama amewatahadharisha viongozi wanaotumia vibaya madaraka katika ushirika  kuwa watachukuliwa sheria kali hasa  sheria mpya iliyoanza Januari ,2014 ambayo inabainisha kiongozi atakaye jihusisha na ubadhirifu na kukiuka misingi ya utawala bora sheria inamtaka afungwe miaka miwili jela  na faini  zaidi ya  milioni mbili iwapo atatiwa hatiani.

           

Kwa nyakati tofauti baadhi ya wanachama wa chama hicho Godfrey  Muhoza na Rose Rutaba  walisema viongozi wao wanatumia vibaya nyadhifa zao kwa wanachama wake,ambapo wakibaini mwanachama anayefuatilia nyendo na mwenendo wa mapato na matumizi ya chama anaonekana ni muhasi na hivyo humtoa kwenye chama.

Pia walidai hali ya viongozi kutokujali  utawala bora ni chachu ya wakulima wa zao hilo kuwa na maisha duni ili hali wachache wanaishi maisha bora kwa migongo ya wakulima ambao wao wanakuwa daraja la mafanikio ya wakubwa katika vyama vya ushirika,hali inayowakwaza baadhi ya wakulima wasijiunge na vyama hivyo baada ya kuona hujuma ndani yake.

Chama hicho ni miongoni mwa vyama vyenye utata wa kumaliza changamoto ya utawala bora na matumizi mazuri ya fedha na hiyo itakuwa ni tume ya pili kukagua chama hicho baada ya ile ya mkoa wa kigoma,ilishindwa kutatua hilo, na kwa mujibu wa Naibu waziri maafisa ushirika wa wilaya na mkoa hawatakuwa sehemu ya tume hiyo kwa lengo la kutenda haki kwa lengwa.

BENKI YA NBC YAZINDUA HUDUMA YA BIMA YA BURE YA MKOPO JIJINI DAR

Mkuu wa Idara ya Bima wa Benki ya Taifa ya Biashara (NBC), Bi. Kemibaro Omuteku (wa tatu kushoto) akiwa na baadhi ya maofisa wa benki hiyo wakionyesha vipeperushi ikiwa ni ishara ya kuzindua huduma ya Bima ya Bure ya Mkopo  jijini Dar es Salaam jana. Kutoka kushoto ni; Mkuu wa Idara ya Mikopo, Andrew Lyimo, Meneja Bima ya Maisha, William Mapela na Mkuu wa Idara ya Mauzo, Mongateko Makongoro.

Mkuu wa Idara ya Mikopo wa Benki ya Taifa ya Biashara (NBC), Andrew Lyimo, (kulia) akizungumza katika hafla ya uzinduzi wa huduma ya Bima ya Bure ya Mkopo  jijini Dar es Salaam.  Kushoto ni Mkuu wa Idara ya Bima wa NBC, Bi. Kemibaro Omuteku.

MWENYEKITI WA BUNGE MAALUM LA KATIBA SAMWEL SITTA AKUTANA NA VIONGOZI WA DINI

Mhe. Mufti Sheikh Issa Shaaban Simba  akimkaribisha Mwenyekiti wa Bunge Maalum la Katiba Mhe. Samuel Sitta leo jijini Dar es Salaam wakati alipomtembelea kumuelezea maendeleo ya vikao vya Bunge linaloendelea mjini Dodoma.

Mwenyekiti wa Bunge Maalum la Katiba Mhe. Samuel Sitta (kulia) akiongea na waandishi wa habari mara baada ya ziara yake katika Ofisi za Bakwata kuelezea maendeleo ya cikao vya Bunge Maalum la Katiba mjini Dodoma. Kushoto ni Katibu Mkuu wa Bakwata Suleiman Lolila.(PICHA ZOTE NA BUNGE MAALUM LA KATIBA).

Na. Benedict Liwenga-Maelezo

MWENYEKITI wa Bunge maalum la Katiba Samweli Sitta amesema  katiba mpya ni kwa manufaa ya wanachi wote kwa ajili ya kuwaletea maendeleo katika nyanja mbalimbali.

Hayo yamesemwa leo jijini Dar es salaam alipokutana na Mhe. Mufti Sheikh Issa Shaaban Simba   katika Ofisi za Bakwata zilizoko Kinondoni jijini Dar es Salaam ikiwa ni utaratibu aliojiwekea kwa ajili ya kuwashirikisha Viongozi wa madhehebu na dini ili nao wapate taarifa ya maendeleo ya bunge la katiba. 

Mhe. Sita amesema kuwa Viongozi wa dini ni watu muhimu sana kwakuwa wanabeba wafuasi wengi katika jamii na kuwepo kwao kunasaidia katika maendeleo ya nchi hususani kujenge Amani ya nchi yetu na kuwahamasisha wananchi kuwa wavumilivu,watulivu,waelewa na wenye kupenda Amani.

Namuomba Mhe. Mufti pamoja viongozi wengine wa dini waizidi kutuombea ili tuweze kufikia muafaka katika kupata katiba mpya na bora yenye kuleta mabadiliko katika nch yetu” Alisema Mhe. Sitta.

Mhe. Sita Ameongeza kuwa Watanzania wanataka katiba itakayoijenga Taasisi imara zitakazoweza kusimamia mambo muhimu na kuweza kuondokana na  uhalifu ikiwemo janga la madawa ya kulevya ambalo limekuwa likiisumbua sana nchii kwa msaada wa sheria mpya janga hili linawezekana kudhibitiwa.

Pia amewaomba wajumbe wa kamati kumi na mbili za bunge la katiba,wasome kwa makiini ibala ya sura ya 1 na ya 6 ambazo ni muhimu sana katika kuijenga nchi, ili waweze kutoka na mawazo mazuri na yakinifu  kwa manufaa ya nchi na watu wake na kuweza kukuza uchumi na kuleta maendeleo.

“Katiba itunge sheria ambazo ni imara zenye kufuata kanuni na taratibu dhabiti ili kuleta mabadiliko katika kuiongoza nchi na kuweza kuwasaidia wananchi wake” Alisema Mhe. Sitta.

Aidha, ameongeza kuwa Bunge hilo maalum linatarajia kuhailishwa mwezi wa nne tarehe 28 kwa ajili ya kupisha bunge la Bajeti,na kwa kuwa siku  70 hazitoshi kumaliza bunge hilo amemuomba Mheshimiwa Rais Kuwaongezea muda hivyo wanatarajia kurudi tena mwezi wa nane kuweza kuendelea na mijadala ya katiba mpya.

WAZIRI NYALANDU AZINDUA MAJENGO YA CHUO CHA MUSOMA UTALII TABORA

Waziri wa Maliasili na Utalii Bw.Lazaro Nyalandu akikata utepe kama ishara ya uzinduzi wa Majengo ya Chuo cha Musoma Utalii  Tabora wakati wa mahafali ya kumi ya Chuo hicho.

Waziri Nyalandu akiweka jiwe la msingi katika Chuo cha Musoma Utalii mkoani Tabora,Kulia ni Mkurugenzi wa Chuo hicho Bw.Shabani Mrutu.

Waziri Nyalandu akipatiwa maelezo ya malengo ya uanzishwaji wa Chuo cha Musoma Utalii Tabora kutoka kwa Mkurugenzi wa Chuo hicho Bw.Shabani Mrutu ofisi kwake.

Waziri wa maliasili na Utalii Bw.Lazaro Nyalandu akiwasalimia baadhi ya wahitimu wa kozi mbalimbali wakati wa mahafali ya kumi ya chuo cha Musoma Utalii Tabora.

Mkurugenzi wa Chuo cha Musoma Utalii Bw.Shaban Mrutu akisoma taarifa fupi ya Chuo kwa mgeni rasmi wakati wa mahafali ya kumi ya chuo hicho.

Waziri wa maliasili na Utalii Bw.Lazaro Nyalandu akizungumza katika mahafali ya kumi ya Chuo cha Musoma Utalii Tabora ambapo aliwataka wahitimu kuwa wavumilivu na kuongeza juhudi katika kutafuta elimu.

Mmoja wa wahitimu wa Chuo cha Musoma Utalii akimpa mkono mgeni rasmi Waziri Nyalandu wakati wa mahafali hayo ya kumi.

Waziri  wa maliasili ya Utalii Bw.Lazaro Nyalandu akiwa na mwenyeji wake Mkurugenzi wa Chuo cha Musoma Utalii Tabora Bw.Shaban Mrutu.

Jengo la Utawala Chuo cha Musoma Utalii Tabora ambalo ni miongoni mwa majengo yaliyozinduliwa na Waziri wa maliasili na Utalii Bw.Lazaro Nyalandu wakati wa mahafali ya kumi ya chuo hicho.

JAPAN YATOA MSAADA WA MAGARI KWA JESHI LA ZIMAMOTO NA UOKOAJI.

Naibu Waziri wa Mambo ya Ndani ya Nchi, Pereira Ame Silima (kulia) akipokea ufunguo ikiwa ishara ya kukabidhiwa magari matano kutoka kwa Balozi wa Japan nchini, Masaki Okada wakati wa tafrija fupi ya makabidhiano ya magari hayo kutoka Serikali ya Japan kwa ajili ya kusaidia Jeshi la Zimamoto na Uokoaji katika majukumu yake ya kuzima moto na uokoaji nchini. Makabidhiano hayo yalifanyika katika viwanja vya Kituo cha Zimamoto Kanda ya Ilala, jijini Dar es Salaam. Picha na Felix Mwagara, Wizara ya Mambo ya Ndani ya Nchi. 

Naibu Waziri wa Mambo ya Ndani ya Nchi, Pereira Ame Silima (kulia) na Balozi wa Japan nchini, Masaki Okada wakikata utepe ikiwa ishara ya makabidhiano ya magari matano yaliyotolewa na Serikali ya Japan kwa ajili ya kusaidia Jeshi la Zimamoto na Uokoaji nchini. Magari hayo yamekabidhiwa katika viwanja vya Kituo cha Zimamoto Kanda ya Ilala, jijini Dar es Salaam. 

Naibu Waziri wa Mambo ya Ndani ya Nchi, Pereira Ame Silima akiiwasha moja ya magari matano yaliyotolewa na Serikali ya Japan kwa Jeshi la Zimamoto na Uokoaji. Magari hayo matano yalitolewa na Balozi wa Japan nchini, Masaki Okada wakati wa tafrija fupi ya makabidhiano ya magari hayo yaliyofanyika katika viwanja vya Kituo cha Zimamoto Kanda ya Ilala, jijini Dar es Salaam. 

Naibu Waziri wa Mambo ya Ndani ya Nchi, Pereira Ame Silima akitoa hotuba fupi ya kuishukuru Serikali ya Japan kwa kuisadia wizara yake kupitia Jeshi la Zimamoto na Uokoaji magari matano kwa ajili ya kazi ya kuzima moto na uokoaji nchini. Kushoto ni Balozi wa Japan nchini, Masaki Okada ambaye alikabidhi magari hayo kwa niaba ya Serikali yake. Kulia ni Mkuu wa Jeshi la Zimamoto na Uokoaji, Kamishna Jenerali Pius Makuru Nyambacha. makabidhiano ya magari hayo yaliyofanyika katika viwanja vya Kituo cha Zimamoto Kanda ya Ilala, jijini Dar es Salaam.

Mkuu wa Jeshi la Zimamoto na Uokoaji, Kamishna Jenerali Pius Makuru Nyambacha akitoa hotuba fupi ya kumkaribisha mgeni rasmi ambaye ni Naibu Waziri wa Mambo ya Ndani ya Nchi, Pereira Ame Silima (katikati) ili aweze kuzungumza na baadaye kukabidhiwa magari matano ya kuzima motona uokoaji. Magari hayo yametolewa na Serikali ya Japan kupitia balozi wake nchini, Masaki Okada (kushoto) katika viwanja vya Kituo cha Zimamoto Kanda ya Ilala, jijini Dar es Salaam.

Sehemu ya magari matano yaliyokabidhiwa na Balozi wa Japan, Masaki Okada kwa niaba ya Serikali yake. Magari hayo matano yaliyotolewa kwa Jeshi la Zimamoto na Uokoaji yalipokelewa na Naibu Waziri wa Mambo ya Ndani ya Nchi, Pereira Ame Silima katika viwanja vya Kituo cha Zimamoto Kanda ya Ilala, jijini Dar es Salaam. (Picha zote na Felix Mwagara, Wizara ya Mambo ya Ndani ya Nchi).

KANISA LA T.A.G TABORA WASHEHEREKEA MIAKA 75

Maandamano ya maadhimisho ya miaka 75 ya Kanisa la TAG nchini ambayo yamefanyika mjini Tabora kuanzia uwanja wa Ally Hassan Mwinyi hadi kanisa la TAG jirani na hospitali ya mkoa wa Tabora Kitete.

Baadhi ya waumini walioshiriki maandamano hayo ya amani wakisheherekea maadhimisho hayo mjini Tabora.

Maandamano ya maadhimisho ya miaka 75 yalipewa ulinzi wa kutosha na Jeshi la Polisi ambapo usalama ulikuwa wa kuridhisha.

KANISA KATOLIKI JIMBO KUU TABORA LADAIWA KUTAKA KULIPULIWA!!!

Kanisa Katoliki Jimbo kuu la Tabora ambalo limedaiwa kutaka kulipuliwa majira ya saa nne asubuhi ya leo baada ya kubainika kuwa mtu mmoja ambaye alifika Kanisani hapo na kutaka kumrubuni mlinzi kwa kumpatia kiasi cha shilingi elfu ishirini ili aweze kutekeleza dhamira yake ambayo haikufanikiwa baada mlinzi kutoa taarifa kwa uongozi wa Kanisa hilo ambao walitoa taarifa kwa makachero wa Jeshi la Polisi Tabora na kufanikiwa kukamatwa kwa mtu huyo.

WAVUVI KUVAMIA BUNGE LA RASIMU YA KATIBA-KIGOMA

Na Magreth Magosso,Kigoma

 

CHAMA  Cha  Wavuvi Mwalo wa Kibirizi  Manispaa ya Kigoma Ujiji,watishia kwenda mkoani  Dodoma kwenye Bunge Maalumu la Mchakato wa rasimu ya pili ya Katiba,kwa kile wanachodai kutaka kujua sintofahamu ya wizi wa mashine za mitumbwi sanjari na kutekwa kwa wavuvi katika Ziwa Tanganyika.

 

Akifafanua hilo Salum Shaban Kiongozi wa Wavuvi pia Miongoni mwa tume maalum iliyoundwa na Mkuu wa Mkoa Lt. Issa Machibya hivi karibuni iliyokwenda DRC-Congo kwa lengo la kurudi na mashine  18 zilizoibwa  eneo la mwalo wa katonga na kibirizi Machi,3,2014,kugonga mwamba, ndio chachu ya kufika bungeni ili kupeleka kilio chao.

Hali hiyo ya sintofahamu ya kuvamiwa kwa wavuvi na mali zao inatokana na  serikali ya DRC-Congo kukaidi Mkataba  wa Ujirani mwema waliowekeana mwaka jana kuwa ,`mali ya wizi dhidi ya kigoma naWilaya ya kaleme zirudishwe bila masharti magumu endapo mali zitathibitika zimetoka kati ya wilaya hizo’.

 

Shabani alisema, mkataba huo una maslai ya kulinda ujirani mwema sambamba na kuweka mkakati wa kubaini majambazi yanayozidi kuwateka wavuvi toka wilaya ya kigoma ambapo wengi wanaotuhumiwa na vitendo hivyo ni raia wa DRC-congo baada ya kubaini mashine zao zipo mikononi mwa serikali hiyo sanjari na kuwatia nguvuni wahalifu husika.

 

“Tumegundua wenzetu hawako vyema na mfumo wa sheria zaidi ya kutumia ubabe haiwezekani anawatarifu zana zipo lakini tulipofika anabadilika hali iliyotufanya tukae kule zaidi ya siku tano cha kushangaza hili suala hata WaziriMkuu anajua akadai muhusika wa wizara  hayupo nchini”

 

“kumbuka wilaya ya kigoma na Uvinza mapato yao makubwa ni masoko ya samaki ambayo yote ukanda wa ziwa Tanganyika,ulinzi duni ziwani  ,sheria haing`ati ,ajira zinapungua kwa vijana,hatari 2020 soko za samaki kutoweka” alibainisha Shabani.

 

Kwa upande wa Mwenyekiti wa wavuvi Ramadha Kanyongo na Kaimu wake Sendwe Ibrahim alisema zao la samaki ni uchumi wa kigoma mjini na uvinza ambapo kwa mwalo wa kibirizi  halmashauri ya kigoma ujiji inakusanya milioni11,kwa mwezi,katonga M. 8  ambapo kwa wilaya ya kigoma vijijini soko la muyobozi  m.5 na kagongo M.2, wilaya ya Uvinza soko la samaki Buhingu million 6.

 

Aliongeza kwa kusema serikali ikishindwa kudhibniti 2020 uchumi wa halmashauri hizo zipo mashakani kutokana na wadu wa uvuvi kushindwa kusonga mbele kwenye kazi hiyo kutokana na gharama kubwa ya mashine ya boti ambapo mashine moja si chini ya milioni 5 mpya ,iliyotumika milioni 3.5.

 

Akijibu hoja ya raia wa DRC-congo kujikita na wizi wa mashine kwa wavuvi wa kigoma,Balozi ndogo ya nchi hiyo Ricky Molema akiri  Mkuu wa Mkoa wa Kigoma Lt.Machibya anahaja ya kusaidia wananchi wake sanjari na wavuvi kushuka kiuchumi na kupotea kwa ajira ya vijana.

 

Molema alibainisha kuwa,viongozi wa juu  wa  Nchi husika,wanawajibu wa kuwa na moyo wa dhati kuondoa changamoto ya wavuvi na mali zao ziwe salama, ili jamii husika zisibadili mwelekeo wa kuishi kwa leo na siku za usoni na kushauri kuwepo na doria ya pamoja ziwani ili kuthibiti uhalifu.

 

Hivyo kutokana na madhira hayo wanajipanga kwenda Bungeni ili wakaonane na waziri mwenye dhamana na Uvuvi na Mifugo sanjari na Wabunge wa Mkoa wa Kigoma ili wajue hatma ya hilo.

Aidha mtandao huu mebaini kuwa mwaka 2003 mwalo wa kibirizi ulikuwa na mitumbwi yenye mashine 160 ambapo kwa sasa imebaki mitumbwi 45,katonga walikuwa na vipe 200 na sasa 168 ,Mtandao  huu  naamini dhati ya viongozi itathubutu kuongeza ulinzi katika Ziwa Tanganyika kwa kuboresha uhitaji wake.

 

TABORA HALI SI SHWARI,MAJAMBAZI HUVAMIA KWA BUNDUKI KILA SIKU USIKU.

Salumu Abel Muhunda mkazi wa Kata ya Cheyo manispaa ya Tabora amejeruhiwa vibaya na kundi la Majambazi ambayo yalimvamia wakati akiuza dukani  huko eneo la Mwanga Shop ambapo majambazi hayo yalivamia yakiwa na bunduki na kufyatua risasi hewani huku yakimjeruhi kwa kumpiga mapanga na nyundo kichwani na baadae kumpora kiasi kikubwa cha fedha.

Muhunda  ambaye kwasasa amelazwa hospitali ya Rufaa ya mkoa wa Tabora Kitete ni mmoja kati ya watu walioathirika na matukio ya unyang'anyi wa kutumia silaha unaofanywa na majambazi hayo ambayo hufanya unyama huo kila siku na kwasasa takribani miezi mitatu mfululizo eneo la manispaa ya Tabora waathirika wakubwa ni wafanyabishara ya maduka madogo ya mitaani pamoja na M-pesa.

MAHAFALI YA 18 CHUO CHA UTUMISHI WA UMMA TABORA NA SINGIDA

Mgeni Rasmi akikabidhi zawadi mbalimbali kwa wahitimu waliofanya vizuri katika vitengo vyao.

Maandamano kuelekea ukumbini yakiongozwa na mgeni rasmi Mh. Celina Kombani aliyevaa Joho jekundu.

Viongozi ngazi za juu Chuo cha Utumishi wa Umma nchini

Mtendaji mkuu Chuo cha Utumishi wa Umma TPSC nchini Bw.Said Nassor akizungumza mikakati endelevu ya Chuo hicho wakati wa mahafali hayo.