MFUKO WA JIMBO KIGOMA KUSINI KULIPIA ADA WANAFUNZI HEWA 22 -KIGOMA

Na Magreth Magosso,Kigoma

IMEELEZWA kuwa,Mfuko wa Jimbo la Kigoma kusini  umedaiwa kuwalipia wanafunzi hewa 22 ambao wameacha  masomo katika shule mbalimbali katika wilaya ya Uvinza Mkoa wa Kigoma  na kuingizia  hasara  serikali na jamii kiasi cha   sh .milioni 1,470,000.

 

 

Hayo yamebainika  hivi karibuni katika kikao  cha madiwani  wilaya ya Uvinza cha robo ya Nnne  mwaka wa fedha  ,ambapo mkaguzi wa ndani  Jamwanga Adriano alibainisha  changamoto  hiyo inatokana na  usimamizi mbovu  wa kuibua watoto walengwa wa uhitaji wa mfuko huo.

 

 

Alisema  malengo yaliyokusudiwa  na serikali  haupo zaidi ya kuingizia hasara ya upotevu wa fedha hizo,ambapo sheria ya `Fund  Act ya  mwaka  2009 para  ya 11(1)' ni kosa na athari kwa watoto waishio katika mazingira magumu na kushauri ufuatiliaji  wa fedha hizo sanjari na  walengwa ili kuboresha wahitaji husika.

 

Adriano aliyataja  majina walioacha masomo katika shule husika ni pamoja na Pendo Matheo (mgaza),Kalialia Richard(nguruka),Said Alikula (nguruka),Apensila Tama(nguruka) na wenzao 18 ambao wameacha shule na mmjoa Leah Joram alikufa kwa ajali ya gari April,15,2014.

 

Diwan wa kata ya Ilagala Hamis Mkwafi  na kata  ya  nguruka  Abdallah  Masanga kwa nyakati tofauti walipohojiwa na gazeti hili   wanafahamu kisa cha wanafunzi hao kutoweka katika shule  w alisema, hawajui na kukiri walioacha wanatoka katika kata zao na kudai ugumu wa maisha unachangia katika hilo.

 

“ukata wa kipato katika kaya inachangia walengwa kuacha masomo,kutokana na mfuko kulipia ada tu,ili hali michango mingine inamtaka mlezi atoe, hii inafifisha jitihada za serikali husika” walianisha madiwani hao.

 

Walipohijiwa  wanafahamu fedha zilizolipwa kwa wanafunzi 22 zipo wapi walisema kupitia taarifa ya mkaguzi wa ndani ,wameagiza kamati ya afya,elimu na maji wahakikishe kikao kijacho  kitakachofanyika  Octoba mwaka huu wawe  n a majibu sahihi na kuanisha watoto  na fedha zilipo.

 

Kwa upande wa  Ofisa  wa wanasheria  wa kujitegemea  Mkoa huo  Hamis Ramadhan alipoulizwa na Jamboleo changamoto hii kisheria lipoje,alisema kwa mujibu wa sheria  lipo katika makosa ya jinai wa wizi wa kuaminiwa kwa mtoa fedha na mpokeaji.

 

Alibainisha kuwa  kwa mtoaji fedha katika kifungu cha 301,302 hadi 305  inamtuhumu mtoaji kufuja fedha za serikali na kuathiri mfumo kwa walengwa  kwa kitendo cha kulipa ada kwa wanafunzi hewa,ambapo akithibitika hivyo atahukumiwa jela miaka 7 na faini au vyote kwa pamoja.

 

KAPIPIJhabari.COM ilipompigia simu ya kiganjani  jana  mwenyekiti wa mfuko huo David Kafulila juu ya hilo hakuwa hewani sanjari na mkurugenzi pamoja na ofisa elimu alipoulizwa hilo walidai wana kikao.