MKUU WA SEKONDARI ATAFUNA FEDHA ZA MALIPO YA MTIHANI YA WANAFUNZI 28 KIGOMA

 

Na Magreth Magosso,Kigoma

Wanafunzi  27 waliomaliza  katika  Shule  ya Sekondari  ya Muyama katani humo,Wilaya ya Buhigwe mkoani  hapa,wameshindwa kujiunga na masomo ya kidato cha sita na vyuoni baada ya Mkuu wa shule Elias Mzehe kutafuna fedha za malipo ya mtihani wa Taifa  kidato cha Nnne .

Hali hiyo imesababisha Wizara ya Elimu na Ufundi ishindwe kutoa matokeo ya wanafunzi 28  waliohitimu masomo  2013 kwa wakati na 2014 wajiunge na elimu ya juu kitendo kinachowaathiri wanafunzi hao kisaikolojia  kwa sintofahamu ya ufaulu wao ili wathubutu na mambo mengine .

 Diwani wa kata ya Muyama Moshi Abdallah alibua hoja hiyo kwenye kikao cha madiwani   akimtaka mkurugenzi wa halmashauri ya buhigwe  Charles Kaondo atoe ufafauni juu ya uwajibishwaji kwa mwalimu mkuu wa sekondari ya muyama na  mamuzi yaliyofanywa na  idara ya elimu ili kuwaokoa wanafunzi  husika watimize ndoto zao.

Akifafanua  hilo  Ofisa Elimu  wilaya  ya buhigwe  Malicelina Mbehoma alipohojiwa na gazeti hili lini  matokeo yatatoka alidai, mchakato upo mbioni kukamilisha deni la wizara kwa wananfunzi 28 ambao wapo njia panda hadi sasa kujiunga na elimu zingine  kutokana na kukosa vyeti vya kujiunga na vyuo sanjari na elimu ya ziada.

“ kweli mwalimu alikusanya fedha za ada za mtihani wa taifa  wa kidato hicho kwa wazazi na akafanyia yake,hali iliyochangia watoto wakae majumbani lakini kuanzia siku 14 mambo yatakuwa shwari” alisema Mbehoma

Aliongeza kwa kusema,wamemwajibisha kwa ngazi ya awali ya kumshusha cheo,kulipa ada hizo ambapo wanakata mshahara wake lakini  kutokana na deni  analodaiwa ni zaidi ya milioni mbili ni kubwa kuliko mshahara wake .

Alisema deni hilo ni chachu ya kusubili hatua ya ziada hasa la kisheria kwa mujibu wa kanuni na taratibu za sheria za kazi,hivyo kaka wa mwalimu Elias Mzehe amekubali kusaidia hilo ili kupunguza ukali wa maisha ya mwalimu huyo na adhabu tarajiwa.

Kwa upande wa Mkurugenzi Kaondo alimshanga diwani huyo kuibua hoja hiyo ambapo kimsingi  haina haja kuwekwa hadharani katika kikao hicho,kutokana na majibu aliyompa awali wakati akifuatilia changamoto `shida ipo wapi huyu diwani alikuja ofisini kwangu na nikampa majibu mazuri sasa anauliza tena kwenye kikao cha madiwani ili iweje”.

Naye Diwani wa kata ya Kajana  wilaya hiyo Robison Ngeze akiongezea katika hilo alisema lengo la diwani  ni kubainisha umma kinachoendelea katika maeneo yao ili wabaini adha na utatuzi wa changamoto mbalimbali  ikiwemo hiyo ambayo ni  kero kwa walengwa na si kuumbuana .

Baadhi ya wanafunzi Ajuae Daniel ,Amri Chares na Juma Rashid waliokosa matokeo kwa nyakati tofauti walisema wanashindwa kujua lini matokeo hayo yatatoka na wahofu wenye jinsia ya kike  kuolewa katika muda usiomuafaka  kutokana na kukaa bila kujishughulisha ni rahisi kushawishika.

Na upande wa wazazi wa  wanafunzi wahanga  Chares  Toyi  na  Boniface Ndagiwe walisema ,walimu wa leo miongoni mwao wana tama za maisha mazuri pasipo kujali maslai ya wanafunzi wao,hali inayochangiwa na utandawazi ambao  unaopoteza  thamani  ya  wito, uzalendo katika uwajibikaji kwa walengwa.