UJAMBAZI ZIWA TANGANYIKA WARUDI KWA KASI.

.Na Magreth Magosso,Kigoma

SHUGHULI za uvuvi zinazofanywa katika Ziwa Tanganyika zipo hatarini kutoweka ,kutokana na sintofahamu ya kuongezeka kwa matukio ya ujambazi katika ziwa hilo.

Hali hiyo inatokana na kupungua kwa  Vipe  na zana za uvuvi unaosababishwa na wizi unaofanywa na majambazi wanaotoka DRC-Congo ambapo hadi sasa mvuvi mmoja ametekwa na vipe 18 sanjari na zana zake bado havijapatikana.

Mwenyekiti wa Umoja wa Wavuvi Mkoani hapa Ramadhan Kanyongo alisema,changamoto hiyo ni vita ya kitaifa kutokana na serikali kutoliwekea kikosi kazi cha kudumu ili kiweze kushiriki na maeneo ya ukanda wa ziwa hasa eneo la Lubengela,kagunga,kalya,nyamhoza na mgambo,ili kudhibiti maficho na njia mtambukwa kwa majambazi.

“ askari wa ziwani hawana mafuta ya kutosha kwenye boti za kufanya dolia katika mipaka na maeneo  nyeti yanayotumiwa na wahalifu,wanakuwa ombaomba, serikali wakilifumbia macho nchi itakuwa na wahalifu vijana wanaokosa ajira  kutokana na vipe kuibwa kila wakati machi ,3,2014 vipe 10 ajira 60 zimeisha” alibainisha Kanyongo.

Katibu wa Umoja huo Francis John alisema serikali ifanye mazungumzo na serikali ya Congo DRC waweke mkataba wa kudhibiti hatma ya mipaka inayotumiwa na wahalifu katika njia ya maji ili kuepuka suala la uvamizi wan chi baina yao pindi wanapofukuzana na majambazi ziwani.

Paulo Samweli Mvuvi wa Kibirizi alisema neno la ujirani ni chachu ya watu wa Congo na baadhi ya wadau wa uvuvi  wa hapa kushiriki matukio ya uhalifu ambapo zana za wavuvi zinapatikana DRC-Congo na wakifuata hutozwa kwa dola 500 kwa kila zana ya uvuvi .

“uaminifu ni silaha ya kufanikisha janga hili,serikali iweke nguvu kwa askari polisi na jeshi la wananchi(JWTZ) kigoma kutokana na jiografia yake ,ililea wakimbizi tangu 1962 hivyo, wanajua mazingira na udhaifu wa majeshi yetu” alidai Mratibu wa Wavuvi Maiko Kiwele.

Kutokana na kukithiri kwa tatizo hilo Mkuu wa mkoa Kigoma Luten Kanal Mstaafu Issa Machibya alisema  ni lazima zana za wavuvi zilizoko wilaya ya Kalemee  zitarudi kwa wamiliki ikiwa ni pamoja na kukomesha vitendo hivyo katika ziwa hilo,familia  60 zinathirika kwa sasa na njaa kutokana na faida zao.

Alisema kuwa kwa kushirikiana na wananchi, wavuvi na vyombo vya usalama tatizo hilo litapatiwa ufumbuzi ikiwa ni pamoja na kuendesha msako wa kuwakamata wahamiaji wanaoishi kinyume cha sheria na kuwarudisha katika nchi zao.

Awali wilaya ya kalemee mkoa wa Lubumbashi ni sehemu kongwe kwa kuhifadhi zana za wizi unaofanywa na baadhi ya askari jeshi wa waasi ambao wanatumia mwanya wa ujirani mwema kwa kushiriki kuangamiza shughuli za uvuvi kigoma hadi leo vijana 60 hawana ajira kutokana na kuibwa kwa vipe 10 na kutoweka na mvuvi.