WATUHUMIWA WA UGAIDI WACHELEWESHWA KUFIKISHWA MAHAKAMA KUU TABORA

Maamuzi dhidi ya kesi inayowakabili viongozi na wananchama wa chama cha Demokrasia na Maendeleo -  CHADEMA  yaliyokuwa yatolewe leo yatatolewa bila wao kuwepo yamepangwa  jumatatu ujayo Augast 05.

Uamzi huo umetolewa na Jaji mfawidhi wa mahakama kuu kanda ya Tabora Simon Lukelelwa kufuatia kuchelewa kufika kwa washitakiwa wa kesi hiyo waliohifadhiwa gereza la Uyui mjini hapa.

Wakati maamuzi hayo yanatolewa na Jaji Lukelelwa  washitakiwa wote watano wa kesi hiyo Henry John  Kileo,  Evodius Justian, Oscar Kaijage, Seif Kabuta n Rajab Kihawa hawakuwa katika chumba cha
mahakama majira ya saa tatu na nusu asubuhi.

Hii ni mara ya kwanza kuonekana mahakamani kuu ya Tabora  kwa kesi nzito kama hii washitakiwa kucheleweshwa kufikishwa mahakamani kukabili tuhuma hata mashitaka yanayowakabili.
 
Washitakiwa walifikishwa mahakamni hapo majira ya saa nne na dakika arobaini na waliarifiwa na wakili msomi mwakilishi Emanuel Msyani kuwa shauri limepangwa tarehe tano mwezi ujao wakiwa ndani ya chumba cha madabusu ya mahakama.

Hii ni changamoto kwa serikali na vyombo vyake vya ulinzi na usalama dhidi ya wananchi wanaoishi wakiwa chini ya uangalizi kuhakikisha kuwa wanapohitajika wafikishwe mahala hapo kwa wakati na siyo walalamikiwe.

Kesi hiyo ya rufaa ya jinai namba 53/2012 ilifunguliwa na wakili wa utetezi Peter Kibatala na kuanza kusikilizwa julai 22/2013 mbele ya Jaji Lukelelwa ikoomba miongozo ya kisheria ikiwemo yaliyotolewa na
mahakama za wilaya na mkoa.

Shauri la maombi ya marejeo liliwakilishwa na wakili peter Kibatala anayewatetea washitakiwa akiiomba  mahakama kuu ipitie  majalada ya kesi  mbili dhidi ya wateja wake zilizofunguliwa mahakama hizo baada
ya kuona maamuzi yake hayakutenda haki.

Wakili Kibatala alibainisha katika maombi hayo kwamba kutokana na maamuzi hayo ya mahakama za chini yameathiri pia haki za waomba rufaa ikiwemo ni pamoja na kuwanyima  haki ya kupata dhamana.

Kwa upande wake serikali ilishindwa kujibu maombi hayo na badala yake ilijenga hoja kwamba walicelew kupata  nyaraka hizo kwani walizipokea tarehe siku moja kabla ya kutajwa shauri hilo hivyo walishinda
kuzijibu.