UPINZANI WASUSIA UCHAGUZI WA MAKAMU MWENYEKITI WA HALMASHAURI

Na Magreth  Magosso, Kigoma

Madiwani  wa  vyama vya upinzani Chadema na Nccr-mageuzi wilaya ya kasulu Mkoa wa Kigoma,wamesusa  kufanya uchaguzi wa makamu mwenyekiti wa halmashauri ya wilaya hiyo,kwa madai ya ukiukwaji wa haki,kanuni na taratibu husika za kufanya uchaguzi huo.

Hali hiyo imetokana na muda  mdogo wa mandalizi ya kuandaa majina ya wagombea wao  kuwa haukuwa huru na haki kutokana na mkurugenzi wa halmashauri hiyo Masalu Mayaya kutumiwa vibaya na chama tawala,hali iliyosababisha wapewe barua ya kuchagua majina ya wagombea wao siku mbili kabla ya kikao cha baraza la madiwani hao ambacho kilifanyika 1,Agosti,2014.

Charles Kahise mgombea kupitia chama cha Nccr-Mageuzi alisema halmashauri inastawisha madiwani wa ccm na kuupuza hoja mbalimbali za vyama vya upinzani,ambapo wangefanya uchaguzi huo kwa kuzingatia wajumbe wa kikao hicho na kudai kukosekana kwa wabunge wao Agripina Buyogera na Moses Machali ni pigo kwao.

Mwenyekiti wa chama cha Nccr-mageuzi Hitla Joseph  na Katibu wa Chadema wilayani hapo Haruna Kwasakwasa kwa nyakati tofauti walisema ,wajumbe halali hawapo  ndio kitu kilichochangia kugomea uchaguzi huo huku akiwanyoshea kidole watumishi wa halmashauri hiyo kuwa ni sehemu ya chama tawala hasa wanasheria husika.

Wakijibu tuhuma hizo mkurugenzi wa halmashauri hiyo  Masalu Mayaya na mwenyekiti wa halmashauri William Luturi walisema kikao hicho ni cha kufunga mwaka wa fedha,walitoa siku mbili kutokana na mwingiliano wa sikukuu ya Eid Fitri ndio sababu ya kusema wapeleke majina ndani ya siku mbili si kwa utashi wa ccm bali uhalisia wa mambo.

Walisema,walichohofia ni baada ya mbunge machali kutoonekana katika kikao hicho walihofu watashindwa na kusababisha ccm kupitia mwakilishi wa kiti hicho Benjamin Chakukura kujipatia ushindi kiulaini,kupitia wajumbe 18 wa ccm na mjumbe mmoja chama cha CUF Esta Kisomye na kanuni inaruhusu kufanyika kwa uchaguzi huo.

Awali kikao kilitakiwa kifanyike Julai,28,2014 uchaguzi wa makamu mwenyekiti wa halmashauri hiyo na 28,julai,mwaka huu kikao cha madiwani  na kuwasihi madiwani wa vyama vya upinzani wakubali uwajibikaji na si kugoma.Wakatihuohuo Mwenyekiti umoja wa vijana ccm kasulu Mbelwa Abdallah alisema elimu ndogo kwenye elimu kubwa lazima sumu itumike.

Mbelwa alisema amegundua katika kikao cha baraza hilo madiwani wa chama tawala hawana ubunifu katika kujibu hoja mbalimbali dhidi ya serikali,hali inayoifanya halmashauri kushindwa kufikia malengo kiutendaji,ambapo imekuwa na hulka ya kuwaondoa wakurugenzi kila wakati ambapo kwa sasa Mwayaya ni mkurugenzi wa sita,wote wakitolewa kwa kushindwa kuwajibika.