UKOSEFU WA CHANJO CHANZO CHA MAAMBUKIZI -KIGOMA

 

Na Magreth Magosso,Kigoma

 

IMEELZWA kuwa,asilimia 6 ya watoto walio chini ya umri wa miaka mitano Mkoa wa Kigoma wapo hatarini kupata magonjwa ya mlipuko kutokana na kukosa chanjo ya kuzuia magonjwa mbalimbali ukiwemo uti wa mgongo na kuhara.

 

Akifafanua hilo Mganga Mkuu wa Mkoa Leonard Subi  kwenye uzinduzi wa wiki ya chanjo kitaifa ambapo  hapa imezinduliwa  katika wilaya ya Uvinza kata ya Kazulamimba,ikiwataka jamii,familia na watendaji wa vijiji kila mtu kwa nafasi yake ahamasishe ili kutimiza lengo la taifa 95% ya watoto husika  wawe wamepatiwa chanjo hiyo.

 

Alisema lengo la kutoa chanjo hiyo ni kuondoa ugonjwa wa kupooza,kifua kikuuu,kifadulo,kichomi,kuhara kwa maslai ya kupata viongozi bora siku za usoni kutokana na watoto waliopata chanjo zote na kwa wakati wanauhakika wa kuishi maisha marefu na yenye siha njema sanjari na kujengeka vyema kiakili.

 

“Mwaka 2012 ,91% ya watoto walio chini ya umri wa miaka mitano walipatiwa chanjo na 2013-94% ,walichanja,shida ipo kwenye 6% wana hatari  ya  kupata maradhi ya mlipuko ,mkoa wetu unapakana na nchi ambazo zenye utata wa magonjwa ya mlipuko” alibainisha Dkt.Subi.

 

 

Akisemea hilo Mgeni rasmi  pia mkuu wa wilaya ya kigoma Ramadhan Maneneo kwa niaba ya Mkuu wa mkoani hapa,Lt Issa Machibya aliwaasa  viongozi wa dini zote mbili waislamu na wakristo sambamba na viongozi wa siasa wawajibike kuwaelimisha wananchi juu ya umuhimu wa chanjo hizo kwa ngazi ya kitongoji na kaya.

 

Maneno alisema jamii itumie fursa hiyo na iachane na fikra potofu ya kudhani chanzo inaondoa uzazi wa muhusika,bali ni chachu ya kuboresha na kujenga akili imara ya mlengwa na kupunguza idadi ya vifo , vifo vya watoto  waliochini ya umri wa miaka mitano vimepungua kutoka vifo 51 katika vizazi hai 1,000 Hadi kufikia vifo 11 kwenye vizazi hai 1,000.

 

Naye Mkuu wa wilaya ya uvinza Hadija Nyembo aliwataka wakina baba waachane na mfumo dume ili washiriki zoezi la kupeleka watoto wao kliniki  wakapatiwe chanjo kutokana na kina mama kuwa na majukumu mengi ya kifamilia,hivyo hawana budi kushiriki zoezi hilo litakaloishia 30,4,2014.