CCM YATOA ADHABU YA ONYO KALI KWA WANAOJITANGAZA KUWANIA URAIS KABLA YA WAKATI

Nape akionyesha akizungumza na waandishi leo, Dar

NA BASHIR NKOROMO

Chama Cha Mapinduzi (CCM) kimewapa adhabu ya onyo kali makada wake sita baada kuwahoji kupitia tume yake Maadili na kuthibitika kuanza kampeni za kutafuta kuteuliwa na chama kugombea Urais kabla ya wakati jambo ambalo ni kinyume na Kanuni za Uongozi na Maadili ya za CCM.

Pia makada hao wamepewa adhabu hiyo kwa  kuthibitika kufanya vitendo vinavyokiuka maadili ndani ya Chama na baadhi yao kufanya vitendo vinavyokiuka maadili ndani ya jamii.  Kosa ambalo pia inaelezwa kuwa ni kwa mujibu wa Kanuni za Uongozi na Maadili za CCM Toleo la Februari 2010, Ibara kadhaa za kanuni hizo.

Akizungunza na waandishi wa habari leo katika ukumbi wa Sekretarieti, Ofisi Ndogo ya Makao Makuu ya CCM, Lumba jijini Dar es Salaam, Katibu wa NEC, Itikadi na Uenezi Naope Nnauye aliwataja waliohijiwa na Kamati hiyo kuwa ni 1.    Ndg. Frederick Sumaye Waziri Mkuu wa zamani,  Edward Lowasa, Waziri wa Mambo ya Nje na Ushirikiano wa Kimataifa, Bernard Membe, Waziri wa Nchi Ofisi ya Rais,  Stephen Wassira, Naibu Waziri wa Sayansi na Teknolojia, January Makamba na Waziri wa zamani William Ngeleja. Taarifa Kamili ya CCM>BOFYA HAPA