WAFANYABIASHARA WAKOSA CHOO TANGU 1974-KIGOMA

Na Magreth Magosso,Kigoma

WAFANYABIASHARA  wanaofanya shughuli za uzaji wa bidhaa za mashambani Soko la Kalenge,Kijijic ha Kalenge Kata ya Kandaga kilichopo Halmashauri ya Wilaya ya Uvinza Mkoa wa Kigoma,wapo katika wakati mgumu wa kuondokana na kero ya ukosefu wa Choo kwa kuwa hawana uongozi wa soko hilo tangu mwaka 1974.

Soko hilo lenye wafanyabishara wapatao 64 wamezungukwa na uchafu  na nyasi ndefu zilizolificha soko hilo,lenye bidhaa kadhaa hasa maharagwe,mahindi,viazi,ndizi,miwa  na mafuta aina ya mawese ,hali inayochangia eneo kuwa na harufu nzito kutokana na kujisaidia katika nyasi hizo.

Wakizungumza na Mtandao huu,Siwema Sadick  na Naomi Kadugu kwa nyakati tofauti walisema soko la kalenge ni moja ya soko kongwe linaloingiza mapato kwa wingi katika halmashauri ,lakini shida ya choo na uchafu ni kero kubwa  na inawatesa kwa miaka kenda.

Walisema mbali na hilo soko halina uongozi ndio chanzo cha walengwa kukosa ushirikishwaji katika kupanga kipaumbele cha mradi wa choo katika soko hilo,ilihali hutozwa  sh.3,600 kwa mwezi na wakala wa ushuru  lakini hafanyi usafi kwa mujibu wa kanuni na taratibu za uwakala.

Alipohojiwa Mwenyekiti wa Kijiji hicho Noel Joel akiri soko halina choo sanjari na kamati husika haina jipya katika hilo,Wakati huohuo Mwenyekiti wa Halmashauri ya wilaya ya Uvinza mabaye pia ni diwani wa kata husika  Fiedli Kumbo alisema shida ni uelewa wa jamii husika.

Alieleza kuwa,mwaka 2013/14 Asasi ya( Tcrs) ilitoa mafunzo ya mradi wa ujenzi wa choo bora kwa ghrama nafuu na wananchi wa kata ya kalenge,mlela na kandaga walishirikishwa cha kushangaza mwisho wa mafunzo walijenga vyoo majumbani kwa wenyeviti na watendaji wa vijiji hivyo,badala ya kujenga sokoni.

Alibainisha kuwa,wasitegemee Serikali katika kutatua kila kero,watumie fursa za wadau wa maendeleo kutambua vipaumbele vyenye tija kwa umma na wasikubali kuburuzwa na watendaji wa vijiji,ambao ni chachu ya kufubaza maendeleo ya jamii ikiwa hawatajitambua kupitia adha zinazowakabili.

Kumbo alisema kuhusu swala la usafi ni jukumu la wakala wa usafi ambaye anapaswa kusafisha soko kila siku kwa kuwa anakusanya kiasi cha 3,600 ilihali soko limezingirwa na mazingira machafu na kuwataka wafanye mchakato wa kuchagua viongozi wa kusimamia haki zao za msingi hasa choo na usafi wa soko.