WAZAZI 25 WILAYANI MPANDA WAMEFIKISHWA MAHAKAMANI KWA KOSA LA UTORO WA WATOTO WAO SHULENI

Na Kibada Ernest –Katavi.

Wazazi 25 kutoka Kata za Ikola ,Karema,Kabungu, ,mpandandogo,Katuma na Mwese Wilayani Mpanda  Mkoani Katavi wamefikishwa Mahakamani kwa makosa ya kusababisha utoro wa watoto wao mashuleni hivyo kuchangia kushuka kwa kiwango cha elimu wilayani humo.

  

 Kati ya Wazazi hao 25 waliofikishwa Mahakamani kati yao wazazi watatu wanatoka Kata ya Ikola waliohukumiwa kwenda jela miezi sita au kulipa faini ya shilingi laki tatu kila mmoja ili iwe fundisho kwa wazazi wengine.

 

Mkuu wa Wilaya ya Mpanda Paza Mwamlima ameeleza  kuwa  wazazi wilayani humo wamekuwa chanzo cha utoro kwa  watoto  kwa kuwa wanawaacha watoto wao kukaa nyumbani bila kuchukua hatua yeyote kuhakikisha watoto wao wanaenda shule iwe wanafunzi wa shule za Msingi na wale wa Sekondari.

 

Hivyo wanafunzi kukaa kuacha  shule na kukaa, nyumbani  huku wazazi wakiwa hawachukue hatua zozote za kuwarejesha shule,ni kuvunja sheria za nchi, hivyo serikali haina budi kuchukua hatua za kuwarejesha kwa nguvu shuleni kwa kuwa serikali inapenda watu wake wote wapate elimu kama ilivyo kwenye sera ya elimu watanzania wote kuhakikisha wanapatiwa elimu.

 

Watoto hao walikuwa wakisoma katika shule  za sekondari mpandandogo,Ilandamilumba,Ikola,Karema,Kabungu,na mwese, na wengine wa shule za msingi lazima wote warudi shule.

 

Kumekuwepo  na utoro warejareja na ule wa kudumu unaosababishwa  na kuacha shule na kwenda,kuolewa ,kuoa,mimba na wengine kuacha bila sababu za msini huku  wazazi wakiwa hawaoni  umuhimu wa elimu katika jamii hiyo na wanawaacha bila kukemea hali hiyo.

 

Mapema mwaka jana  mwezi wa Disemba Mkuu wa Wilaya Mkuu  Wilaya ya Mpanda Paza Mwamlima alitoa amri halali kwa wazazi wote ambao watoto wao waliacha shule kutokana na utoro kuolewa,kuozwa au kwenda kufanya shughuli za kilimo kwenye mashamba ya tumbaku,kuvua samaki,kuchunga,kwenye maeneo ya machimbo na wengine kusikojulikana  kurejea shuleni.

 

Ambapo alitoa mwezi mmoja  kuanzia mwezi wa Disemba  mwaka 2014 hadi kufikia mwezi Januari shule zitakapofunguliwa watoto wote walioacha shule kuanzia  shule za msingi,na sekondari wahakikishe wazazi wanawarejesha shule vinginevyo watachukuliwa hatua za kisheria ikiwa ni pamoja na kuwafikisha mahakamani.

 

Kufuatia amri hiyo sasa baada ya shuleni kufunguliwa msako mkali umeanza  nyumba kwa nyumba kuwasaka watoto ambao ni watoro hawajaripoti shule na wazazi wa watoto hao wamekamatwa na kufikishwa mahakamani ili kujibu tuhuma hizo za kutowapelekea watoto wao shule ikiwa ni kutekeleza amri halali iliyotolewa na mkuu wa wilaya ya Mpanda Paza Mwamlima