CHAMA CHA ACT CHAJIPANGA KUVUNA WABUNGE 64 UCHAGUZI MKUU WA 2015

Na Magreth Magosso,Kigoma

INADAIWA kuwa,Wabunge  36  kutoka Chama cha CCM na 28 kutoka  vyama  vya  upinzani watahamia chama kipya chenye miezi tisa tu,Alliance &Transparency  For Change Tanzania (ACT) kwa lengo la kuongeza uwajibikaji katika chama hicho na kuleta mabadiliko chanya ya huduma za wananchi.

Pia ,ili kukabiliana na uchaguzi mkuu wa kuchagua madiwani,wabunge na rais ambao utakaofanyika Octoba ,mwaka huu ,ACT  kimetayarisha wagombea  92 watakaonyakua viti vya ubunge katika mikoa 27 iliyopo nchini.

 

Hayo yalibainika jana kigoma ujiji katika mdahalo ulioandaliwa na asasi ya kiraia ya Meza ya duara ya watanganyika,ambapo Ofisa habari Taifa wa chama hicho Karama Kaila alisema hivi karibuni wadau wa siasa watarajie kuwapokea wabunge hao ,ambao wanataka kufanya kazi kwa umoja ,uwazi na uwajibikaji kwa lengo la kuondoa mfumo hasi wa chama tawala.

 

Kaila alisema watarudisha hifadhi ya jamii bila kujali  tabaka la walionacho na wasionacho ili kuleta usawa katika jamii sanjari na kuwaeleza wananchi sera na mlengo wa chama hicho chenye miezi tisa tangu kuanzishwa kwake,huku wakazi wa kigoma kuwa kinara wa kuimarisha chama hicho.

 

Alisema kigezo kikubwa cha kuwapokea wabunge husika ni pamoja na uwajibikaji katika majimbo yao hususani ahadi binafsi walizozitoa kwa wananchi husika  ziwe zimemalizika kwa wakati kabla ya uchaguzi mkuu  kwa njia ya kintelejinsia ,ili kuondoa dhana ya viongozi wengi waliojiunga na chama hicho waliharibu majimboni mwao.

“Viongozi wa ACT mkoani humu mkiamua kumwalika Zitto Kabwe aje kufafanua jambo takuja ,namanisha kisiasa yeye ni wa kwetu ila kisheria si wetu,tunmasubiri barua ya wahusika ili ajenge chama kwa uhuru na haki bila bughudha” alisema Ofisa habari huyo

.

Alisema changamoto ya migogoro katika chama  itarataibiwa na kusuluhishwa na kamati za usuluhishi na kusema mzozo wa awali ulitokana na udhibiti wa fedha za chama ,ambapo baadhi ya viongozi walizoea mfumo wa 10% wa kuongeza fedha ya ziada katika hitaji la manunuzi ,kutokana na udhibiti wa mweka hazina ndio chachu ya yaliyotokea .

Kwa upande wa Katibu wa Jimbo la kigoma mjini  Azizi  Ally  alisema  miongoni mwa wabunge  watakaohamia ni Mbunge wa Jimbo la Kigoma Kaskazini  Zitto Kabwe ,Jimbo la Uvinza Davidi Kafulila na Felix Mkosamali Jimbo la Muhambwe na kudai wandishi wa habari  walijiunga na vyama vya saisa hawatendi haki katika taluma yao.