UCHAGUZI WA SERIKALI ZA MITAA KIGOMA BAADHI YA VIJIJI WAPIGWA KALENDA

Na Magreth Magosso,Kigoma

UCHAGUZI wa Serikali za Mitaa katika  baadhi ya vijiji  katika  halmashauri ya  wilaya ya Uvinza na Kasulu Mkoa wa Kigoma umesogezwa mbele kutokana na changamoto ya   uzembe wa  uongozi husika kushindwa kuwajibika kwa mujibu wa sheria,kanuni na taratibu za maandalizi ya uchaguzi huo.

Mbali na hilo wagombea wa nafasi ya uenyekiti wa chama Cha ccm Kashindi Godei na mgombea wa Chama cha ACT Musa Kafungo  na Katibu mwenezi wa ACT Anzuluni Kibera pamoja na mpiga kura Hamis Kandoga washikiliwa kwa masaa mawili kwa kosa la kurumbana eneo la kituo.

Sababu kubwa ya kusogezwa mbele ni sintofahamu ya uraia wa wagombea,majina ya wagombea kuwekwa katika nembo za bendera zisizo zao,ukosefu wa vifaa na makaratasi ya kupiga kura hayakidhi hitaji la wapiga kura ambapo inadaiwa ni uzembe wa wakurugenzi na timu ya wasimamizi wa mambo hayo.

Vituko wilaya ya Uvinza kijiji cha Kalago inadaiwa msimamizi wa  eneo hilo leo asubuhi asimamisha uchaguzi kutokana na mashaka  ya uraia wa mgombea nafasi ya uenyekiti  Chama cha ACT aliyejulikana kwa jina moja la Mbwasu na Chama cha Chadema Shabani Matope .

Akifafanua hilo Katibu wa Chadema Mkoa Shaban Madede alisema leo (jana) watakuwa na kikao cha  kujadili hujuma dhidi ya kusimamishwa kwa zoezi hilo ambapo sababu zake hazina mashiko na walipomtaka msimamizi atoe barua aliyopewa na Mkurugenzi wa Uvinza juu ya tuhuma hizo alidai asiyeridhika aende mahakamani .

Alisema katika kijiji cha Kapalamsenga mgombea wa chama cha ccm kupitia nafasi ya uenyekiti alitaka kugombea wakati aliwekewa zuio wiki iliyopita juu ya uraia wake na idara ya uhamiaji ilibaini si raia wa hapa  na hakujibu pingamizi hadi leo  siku ya kupiga kura alitaka agombee hivyohivyo kwa shinikizo la chama tawala na ndio sababu ya msimamizi kuhairisha uchaguzi.

Katika kata ya Manyovu sababu ya vijiji vyake  viwili kusimamishwa ni kuchanganywa kwa majina ya wagombea kwa mujibu wa vyama vyao na bendera zao sivyo ndivyo  na kudai hayo yote ni hujuma dhidi ya vyama vya siasa na serikali ya chama tawala.

IAwali ngazi ya vijiji ilibainisha kwa weledi wagombea wote wa vyama vya upinzani ajabu leo siku ya tukio majina yanabandikwa  holela bila kuzingatia chama cha mgombea Wakati huohuo Katika wilaya ya Kasulu sintofahamu kubwa ni uwekaji wa majina hayalingani na vyama vyao.

Akielezea hilo Katibu mwenezi wa wilaya husika Masoud Kitoe alisema  kijiji cha nyakitonto wagombea wa chama cha ccm hayakuenea waliweka majina saba badala ya 11 wakati ya wagombea wa upinzani yapo sawa,

Kijiji cha Kalela msimamizi atoa masharti kwa wapiga kura kuwa waweke tiki moja kati aya majina ya wagombea na s inane kwa mujibu wa kanuni,sheria na taratibu ya idara ya uchaguzi  ilihali vifaa hakuna na walioteuliwa kusimamia wengi wao ni walimu.

Katika kijiji cha Nyamidaho ,Kulugongo,Rungwe mpya ,Kigondo,Kwaga na Mwilavya Kabulanzwili,nyenge ,Kagerankanda,Kasengezi  hivi vilikubwa na adha ya  vifaa kutokuwepo na maeneo yaliyopelekwa maboksi ya kupigia kura kulikuwa hakuna makaratasi ya kupiga kura.

Mfano kijiji cha  Kasengezi waliojiandikisha walikuwa 2,000 na karatasi zilikuwa 600 tu,hali iliyochangia uchaguzi kuahirishwa hadi jumapili ijayo (Desemba,20,2014) Huku viongozi wa vyama husika wakiitupia lawama halmashauri husika.

Ifahamike kuwa,wilaya ya kasulu ina Mitaa ipatayo 109,Vitongoji  389,Vijiji 70 na Kata 33 na vilivyofanikiwa kufanya uchaguzi bila vikwazo ni vijiji Vitano tu,ambavyo ni Muzye,Mganga,Nyatenda na  Rungwe mpya na  Nyumbigwa.

Zaidi ya wakazi  6,000 wa mtaa wa Nyakaseke walisusia uchaguzi  mapema mwa mwezi uliopita  kwa sababu ya kugombea mpaka  eneo la  soko la kijiji cha Rungwe mpya yenye wakazi 16,500 ambapo kila mtaa ulidai eneo la soko ni lao .

Kitendo cha kupewa wakazi wa mtaa wa Rungwe mpya kijiji cha Nyakaseke walionya uongozi wa halmashauri husika wasithubutu kuwapeleka masuala ya uchaguzi ,inagwa inadaiwa baadhi ya vyama vya siasa walishawishi wafanye  hivyo.

 

Akithibitisha hilo Mkuu wa Wilaya ya Kasulu  Danny Makaga amekiri zoezi kwenda mrama kutokana na baadhi ya vijiji na kata kushindwa kupata vifaa,majina kukosewa kulingana na vyama husika,na kushindwa kubaini idadi ya vijiji vilishindwa kufanya uchaguzi  siku ya Desemba ,12,mwaka huu.