HUDUMA ZA USAFIRI WA MABASI MKOANI KATAVI ZADAIWA KUWA MBOVU

Kamanda wa Kikosi cha usalama barabarani Mkoa wa Katavi Joseph Shilinde  akiwasilsha Taarifa ya hali ya ukaguzi wa magari kwenye kikao cha Bodi ya Barabara Mkoa wa Katavi.

 

 

.Enock Gwambasa Mjumbe wa kikao cha bodi ya barabara akichangia kwenye kikao cha bodi kilichofanyika kwenye ukumbi wa mikutano Halmashauri ya Mpanda kuhusiana na mada ya ubovu wa magari yanayotoguduma ya usafiri Mkoani katavi kuwa hatua zisipochukuliwa huenda yakahatarisha maisha ya wakazi hao.

Wakuu wa Mikoa ya Katavi Kushoto mwenye suti na tai nyekundu pamoja na Mkuu wa Mkoa wa Zamani wa Katavi ambaye amehamia Mkoa wa Morogoro Dk  Rajabu Rutengwe  wakiwa nje ya ukumbi baada ya Kikao cha  bodi ya barabara mkoa wa Katavi  wakibadilisha na mawazo baada ya kukabidhiana uenyekiti wa bodi ya kikao hicho hapo wako nje ya ukumbi wa Mikutano.

Na Kibada Kibada –Katavi

Kati ya Mabasi 20 ya abiria yanayotoa huduma ya Usafiri Mkoani Katavi kwenda mikoani ni basi moja tu linalofanya safari zake Mpanda Arusha la Costal line  lenye namba T 467 APZ ndilo   ambalo nzima.

 

Mkuu  wa Kikosi cha Usalama barabarani Mkoani Katavi Kamanda Joseph Shilinde alikieleza kikao cha Bodi ya Barabara Mkoa kilichofanyika mwishoni mwa wiki kuwa kati ya Mabasi hayo mabasi 17 yanemekutwa na makosa madogodogo yameagizwa kufanyiwa marekebisho.

 

Kamanda Shilinde alieleza kuwa Mabasi mawili yameonekeana hayafai kuwa barabarani na yamefungiwa hadi hapo yatakapokuwa yamefanyiwa matengenezo ameyataja mabasi hayo ambayo hayafai  ni basi lenye usajiri wa Na AT 664 na T801 ND limefungiwa miezi miwili hadi hapo yatakapokuwa yamefanyiwa matengenezo. 

 

Mmoja wa wajumbe katika Kiao hicho Mwenyekiti wa Halmashauri ya Mji wa Mpanda Enock Gwambasa alieleza kuwa pamoja na ukaguzi huo bado hayajatajwa mabasi ya Kampuni ya Sumri ambayo inatoa huduma zake kati ya Sumbawanga na Katavi yameelezwa kuwa ni mabovu kuliko kawaida na yanavuja hata unapoingia humo hayana hata madirisha kwa wastani mabasi hayo ni mabovu sana ,

 

Akashangazwa na kutokuwemo kwenye orodha ya mabasi yaliyotajwa kuwa ni mabovu na kwa namna gani hayajatajwa katika taarifa hiyo.

 

Kwa Upande wake Charles Kanyanda alishauri Jeshi la Polisi Kitengo cha usalama Barabarani kuhakikisha suala la Mwendo kasi kwa mabasi yanayofanya safari zake Mkoani Katavi kutoka Mikoa mingine hali ambayo yansababisha ajali kutokana na barabara zilizoko kwenye mkoa huu kutokuwa nzuri.

 

Akasisitiza sheria za usalama barabara zifuatwe ili kuepusha ajali zisizokuwa na sababu. Ambazo zingeweza kuepukika kama sheria zingefuatwa.