"JAMAA AINGIA MSIKITINI NA KUJICHINJA SHINGO,ANUSURIKA KIFO,ALAZWA HOSPITALI"-TABORA

Jamaa huyu ambaye alijiandikisha jina lake kuwa ni Mohammed Athuman huku jina lake kamili ni Ladislaus Joseph ambaye ni mkazi wa Igosha kijiji cha Kabila manispaa ya Tabora,aliondoka nyumbani kwake na kuelekea kijiji kingine kata ya Ikomwa na kufika katika moja ya msikiti wa Kijiji cha Ikomwa ambapo aliingia ndani na kuanza kufanya Ibada ya Sunna majira ya Sala ya Adhuhuri na mara baada ya kukamilisha Swala hiyo alichukua upanga mkali aliokuja nao msikitini hapo na kuanza kujichinja Shingo yake pasipo huruma na baadae kudondoka chini ndani ya msikiti huo ambao baadhi ya waumini walioshuhudia tukio hilo walitimua mbio kuhofia maisha yao.  

Baadhi ya maafisa wa Jeshi la Polisi mkoani Tabora baada ya kupata taarifa ya tukio hilo walikwenda kumchukua na kumkuta bado akiwa hai lakini hali yake haikuwa nzuri na hivyo kumkimbiza hospitali ya mkoa wa Tabora Kitete kwa ajili ya kupatiwa matibabu ambapo tayari sehemu ya Koromeo ilikuwa nje ikiwa imejeruhiwa vibaya.

Hata hivyo mtu huyo ambaye alikuwa hana uwezo wa kusema chochote alipotakiwa kueleza nini sababu ya yeye kujidhuru aliomba kalamu na karatasi na kuandika ujumbe huo wa kutaka msaada wa haraka wa matibabu huku akiwa amelazwa hospitali ya mkoa wa Tabora Kitete.