WANAUME WAANDAMANA HADI KITUO CHA POLISI KIGOMA WAKIPINGA MWANAMKE KUNYANYASWA NA MUMEWE

Na Magreth Magosso,Kigoma

 

WANAUME wa  Kata  ya  Bangwe Mtaa wa Kamala mkoani hapa,wameandamana hadi kituo cha Polisi kati kilichopo Manispaa ya Kigoma Ujiji,baada ya kuchoshwa na jirani yao Joseph Peter (32) kwa kitendo chake cha kumpiga mkewe kila atokapo kupata kilevi cha Pombe aina ya Kayoga.

 

Wakazi  hao  Sidney  Feles  na  Kasim  Msenegal  kwa  nyakati tofauti  walisema ,Joseph   anawapa  sifa  mbaya  wanaume  wenzake  mtaani  hapo,kutokana na kitendo cha  kumpiga mkewe mwenye ujauzito mkubwa  hadharani usiku kila atokapo kunywa pombe.

 

Walisema  kijana huyo anatumia fursa ya  uyatima wa mkewe kumfanyia madhira hayo  kutokana na  utegemezi wa kipato   kwa mumewe hali inayomfanya  avumilie kuishi kwenye dhiki na kipigo kutoka kwa mwanaume huyo.

 

Naye Mhanga wa kitendo hicho Anjelina Said (27) akiri kufanyiwa ukatili huo na mzazi mwenzie  Juni,13,2014 saa 5.00 usiku aliporudi nyumbani hapo ambapo baada ya kufungua mlango  na alipo ndani alianza kumpa kichapo hicho kilichosababisha uso kuvimba.

 

“bado nampenda japo sijafunga naye ndoa,ni mkorofi akinywa pombe,nina watoto wawili na huyu kijacho atakuwa wa tatu,kwa kweli naumia ila ntafanyaje sina pa kwenda ,biashara sina nitaleaje watoto” alibainisha Mama huyo .

 

Kwa upande wa Mkuu wa  Upelelezi Makosa ya Jinai  Wilaya ya Kigoma  Kaiza  alisema majirani wameandamana hadi hapa wakiomba akamatwe kijana huyo,kutokana na kutumia ubabe wa nyadhifa  ya askari polisi jamii wa mtaa huo.

 

“sisis tulifika pale saa 5.30 usiku nikiwa na vijana wangu alipotuona alitoa kauli kali huku akishika panga lakini tulimsogelea na alipoona si majirani aliowazoea ndipo akawa mpole na tumemlaza lupango hadi leo Juni ,17,2014 “ alibainisha  Kaiza.

Kamishna Mwandamizi wa Polisi wa hapa, (SACP) Frasser Kashai alisema matukio ya kupigwa ,kunyanyasika kwenye ndoa kina mama na watoto, kubakwa na kutelekezwa  kimajukumu yamekuwa yakijitokeza kila wakati kutokana na jamii kutoelewa athari za matukio hayo kwa sasa na siku za usoni.

 

Aidha alionya wananchi kuwaonea huruma kwa kuwadhamini watu wanaofanya matukio ya kikatili hali inayohamasisha miongoni mwa watenda wa vitendo  vya ukatili  kudharau sheria za nchi.

 

Baadhi ya wanaharakati  wa Asasi za kiraia zinazotetea haki za kisheria watoto na wananwake kigoma  Yasinta Ambrose( KIPACE) na Martha Jerome (WPC ) kwa nyakati tofauti wakiri wanawake wasijitambua ni wahanga wa vitendo vya ukatili wa kijinsia hali inayochangiwa na utegemezi wa kipato.

 

Walisema  wapo baadhi ya wanawake huingiliwa kinyume na maumbile na waume na wapenzi wao kwa hofu ya kuogopa kuachwa ili walinde heshima ya familia kwa kuogopa kuachika.Huku wakiwataka wananwake wabadilike watumie,akili na viungo vya miili yao kutokana na hujuma wazofanyiwa na wapendwa wao.

 

Akichangia hilo Ofisa Ustawi wa Jamii John Mushi alisema baadhi ya  wanaume hawatambui thamani ya mwanamke hivyo ni shemu ya kiburudisho chao na kuwatumia  vibaya ,huku ataka wanawake wajikubali wenyewe wasihofu umaskini bali watumie fursa kujikwamua kiuchumi