WACHAPWA FIMBO KULINDA CHANZO CHA MAJI- KIGOMA

Na Magreth Magosso,Kigoma.

WAKAZI  wa  Kata ya Murungu  wilayani   Kibondo  Mkoa wa  Kigoma wamekuwa   wakichapwa  viboko  kila  wanapothubutu    kuchota maji katika  chanzo  cha  maji  ya mto   kumubanga   kilichopo   ndani ya  hifadhi ya muyowosi.

 

Akifafanua  hilo  Mwenyekiti  wa  CCM  wa  hapo  Emanuel   Gwegenyezi  alisema ,wananchi wanaozunguka hifadhi hiyo wamekuwa na adha  ya  upatikanaji  wa  maji  katika  eneo lao na kutegemea kisima kimoja tu ambacho hakikidhi  mahitaji ya kaya 6,000.

 

Alisema changamoto hiyo inawalazimu waingie ndani ya hifadhi ya muyowozi  na kuchota maji kwenye chanzo cha mto  Kumubanga  ambapo wanakubwa na udhalili wa kuchapwa fimbo na wahusika wa hifadhi kwa maslai ya kulinda chanzo hicho.

 

“adhabu ya kuchapa fimbo waingiapo kuchota maji inachangiwa na msongamano wa foleni katika kisima cha kijiji,mama akienda asubuhi saa 12 atarudi saa 1.00 jioni,kiuchumi  jamii  haizalishi”alibainisha Gwegenyezi.

 

Mkuu  wa  wilaya  hiyo  Venance  Mwamoto  akiri kuwepo kwa adha ya maji kwa wakazi hao,lakini apata mashaka kupewa uhuru wa kuchota maji  masaa 24,kutokana  na  kijiji hicho kukithiri  kwa matukio ya upatikanaji  wa  silaha  za moto.

 

“ mwaka jana tulipata silaha hizo si chini ya 270 kutoka kwa wakazi wa hapo, si wote kwa ajili ya maji ,wapo wajanja wanaokwenda kupata upenyo wa kuingia hifadhini na kufanya mauwaji ya wanyama” alibainisha Mwamoto.

 

Alisema mwenyekiti wa kijiji,diwani hawana uchungu wa kushughulikia adha za raia wao,kutokana na kushindwa kutatua adha hiyo kwa kuishirikisha idara ya maji na mwekezaji kutumia mto huo kuvuta maji kwa pampu na kuwajengea kisima chenye kukidhi hitaji hilo.

 

Katibu  mwenezi  Mkoa  Kalembe  Masoud na mwenyekiti  wa ccm wilaya Kassim Kasambwe kwa nyakati tofauti walisema vijiji  vilivyopakana na mapori ya hifadhi  mkoani hapa yanakabiliwa na changamoto  ya  ukosefu wa amani hali  inayozidi  kuchochea chuki baina ya mwekezaji na umma  husika.

 

Baadhi ya wananchi waishio karibu na hifadhi hiyo Jonathan Joel na Mwamila Madirisha  kwa nyakati tofauti walisema serikali hutoa ardhi kwa  wawekezaji pasipo kuweka mfumo wa kumbana mwekezaji iheshimu haki za  jamii husika.

 

 

Akijibu tuhuma hizo, meneja wa hifadhi hiyo Mathias Ngasila alisema, changamoto hizo zipo nje ya uwezo wake kwa mujibu wa sheria na sera ya hifadhi za mapori na kuahidi  Agosti,2014 atafanya mkutano na jamii husika kutatua migogoro inayohusu hifadhi hiyo.