WATU 15 WALIWA NA MAMBA KIJIJI CHA CHAGU WILAYA YA UVINZA KIGOMA

Na Magreth Magosso,Kigoma

WANAKIJI  15  katika  Kijiji  cha  Chagu Kata ya Mtego wa noti Wilaya ya Uvinza Mkoa wa Kigoma  wamekufa  baada ya kuliwa na Mamba waliopo kwenye bwawa la Mngonya kwenye  eneo la kilomo.

Kitendo hicho kinaathiri  shughuli za uvuvi sanjari na kupungua kwa nguvu kazi ya kijiji hicho huku watendaji na viongozi wa idara husika  wamefumbia macho suala hilo ili hali watu wanakufa hali iliyochangia wananchi  wapeleke kilio chao kwa Mwenyekiti wa Chama cha CCM mkoa  Dr.Warid Kaburu  atoe kauli ya utendaji kwa watendaji  na wahusika kuondoa adha hiyo.

Baadhi ya wanakiji  Resdey Gasper na Rahel Mbogota kwa nyakati tofauti walisema vijana wao wanaangamia pindi waendapo  kuvua samaki kwenye bwawa hilo,kutokana na mamba kuongezeka  kuzaliana kila mwaka  sanjari na kuongezeka kwa vifo vya watoto wao  kuliwa   na wanyama hao ambao hawaoni faida ya kuendelea kulindwa na idara husika.

Akijibia hilo Mwenyekiti wa chama cha CCM Dr.Warid Kaburu amekiri mapungufu ya utendaji wa kazi kwa  wahusika katika hilo hali inayochangiwa na watendaji wa kijiji kwa kushindwa kuweka mkakati mahususi wa kuondoa  janga hilo.

“sioni sababu ya wahusika kushindwa kuwaua mamba ambao wametafuna watu 15 ajabu wapo kimya hii inatafsiri liachwe kwa faida ipi ya mapato juu ya mamba wala watu,jamani hili wahusika wachukue hatua “ alisema Dr.Kaburu.

Awali katika mkutano huo Diwani wa kata husika Sindano Selukala aliwataka wakazi wake watoe changamoto zenye mashiko ili seriakali iwajibe kwa mujibu wa sera,kanuni na taratibu za utawala bora kwa lengo la ustawishaji wa jamii husika ili waishi kwa amani .