POLISI WAUA JAMBAZI LILILOVAA SARE ZA ASKARI WA BURUNDI-KIBONDO

Na Magreth Magosso,Kigoma

 

Jambazi mmoja aliyevaa sare za jeshi ya nchi ya Burundi auawa  na askari wa Jeshi la Polisi mkoani Kigoma katika harakati za  kurushiana Risasi na askari hao.

 

Hali hiyo imekuja baada ya majambazi watatu waliovaa sare ya nchi hiyo(Burundi) walimteka mwalimu wa shule ya msingi Minyima nyumbani kwake na kupora fedha taslim sh.200,000 sanjari na simu aina ya tekno,ndipo askari walifanikiwa kupata taarifa na kuanza msako mkali na kufanikiwa kuwaona kwenye kichaka na kuanza kurushiana risasi na jambazi huku mmoja akifariki  dunia  papohapo.

 

Akithibitisha hilo Kamanda wa Polisi Mkoani Kigoma ACP Fraizer Kashai alisema majira ya saa 2.30 usiku, Aprili 22, 2014,katika pori la Samvura kata ya Bunyambo Wilaya ya Kibondo majambazi watatu wakiwa na Silaha aina ya SMG moja na Magazine  walimteka mwalimu Engliberth Robert(34)

 

 

Alisema jambazi hilo akiwa na wenzake walifanikiwa kudhibitiwa na askari Polisi wa kituo kidogo cha Bunyambo na kufanikiwa kufanya msako  ambapo walimuua jambazi mmoja kwa risasi.

 

Pia katika tukio hilo askari walifanikiwa kukamata silaha moja aina ya SMG No. 196XN9897 na Risasi 43 ambazo walikuwanazo majambazi hayo,huku akiwapongeza askari husika kwa kudhibiti  tukio hilo.

 

Na mwili wa jambazi huyo upo hospitali ya wilaya ya kibondo kutokana na   kutotambulika na majambazi wengine wawili walifanikiwa kukimbia hivyo juhudi za kuwasaka zinaendelea.

 

Katika tukio lingine mtu mmoja ambaye hajafahamika aliwapigia simu polisi na kuwaelekeza sehemu aliyoona silaha aina ya SMG yenye no. 1952 GAW 2882 ikiwa na magazine moja yenye risasi 23 za SMG kwenye mfuko wa salfeti.