Zaidi ya wastani wa Wananchi 777 waishio Mkoa wa Kigoma wapo hatarini kupata ugonjwa wa akili unaochangiwa na utumiaji wa dawa za kulevya sanjari na ugumu wa maisha.
Akifafanua kauli hiyo,Kigoma ujiji kwenye kikao cha utoaji takwimu juu utambuzi wa afya kwa wagonjwa wa akili,(TUSPO) Kaimu Ofisa Uchumi wa Manispaa ya Kigoma ujiji Bw.Kalila King alisema utafiti uliofanywa na asasi hiyo inabainisha kuwa kata ya Gungu ina wagonjwa wa akili wapatao 91 ambao wameathirika na dawa haramu za kulevya pamoja na msongo wa mawazo.
“ Kigoma ina zaidi ya wakazi laki mbili na kwa kata hii ina kaya 94 ina maana kila kaya ina mgonjwa wa akili mmoja kwa mujibu wa tafiti na hapo bado kata ya Ujiji ambapo watumiaji wapo wazi hali ni mbaya wahusika tuwajibike” alidai King.
Kwa upande wa Katibu wa asasi hiyo Bw. Elias Lukata alisema uwepo wa wathirika wa akili upo kata ya Gungu ambapo katika mitaa minne waliyofanya utafiti wamegundua wagonjwa wa akili 91 ambao wamegawanyika katika makundi 3 wakiwemo waliozaliwa nao wapo 7, dawa za kulevya unga wapo 46,wakati wavuta bangi wamepatikana 29 huku wale wanaosumbuliwa na msongo wa mawazo hata kufikia hatua ya kuathirika na kupata magonjwa ya akili walipatikana 9.
Alisema hali hiyo inachangiwa na ukosefu wa ajira na hata pale viongozi wa Manispaa ya Kigoma kutokuwa na kipaumbele cha vijana kupitia fungu lao la fedha kwa mujibu wa sera ya nchi hali inayowakwaza na kushindwa kufikia ndoto zao kupitia fursa hiyo.
Kwan upande wa mgeni rasmi kwa niaba ya katibu tawala Manispaa ya Kigoma Bw. Rashid Maftaha alisema ni vyema asasi hiyo ikashirikisha halmashauri katika vipaumbele vya bajeti ili watengewe fungu la kuweza kufanya tafiti katika kata zilizobaki mkoani humo hatua ambayo itaweka wazi ukubwa wa tatizo hilo la Magonjwa ya akili.
No comments:
Post a Comment