SEKONDARI IMEFUNGWA KWA KUKOSA CHOO.

Na Anthony Mayunga-Serengeti.

SEKONDARI ya Mugumu iliyoko kata ya Stendi kuu Mamlaka ya mji mdogo wa

Mugumu wilayani Serengeti imefungwa kwa muda usiojulikana kutokana na

kutokuwa na choo cha wanafunzi.

Kufungwa kwa shule hiyo iliyoko mjini Mugumu kuna sababisha wanafunzi

1015 wanaosoma shule hiyo kukosa masomo kwa muda usiojulikana .

Ofisa elimu wa sekondari wilaya hiyo  William Makunja amekiri kufungwa

kwa shule hiyo kutokana na kutokuwa na choo na kuwa tatizo hilo ni la

muda mrefu halijafanyiwa kazi.

“Ni utekelezaji wa maagizo ya mkaguzi mkuu wa kanda ambaye aliamuru

ifungwe,tena ilipaswa kufungwa kutokea julai mwaka jana .. na

hawajachukua hatua kama walivyoelekezwa imebidi ifungwe kunusuru

maisha ya watoto”alisema.

Naye kaimu ofisa elimu wilaya shule za msingi Christopher Mossi

alisema uamzi huo julifikiwa baada ya timu hiyo kujiridhisha kuwa

matundu yaliyopo  hayatoshi kulingana na idadi ya wanafunzi waliopo.

“Shule ina wanafunzi 1015 na kuna matundu 11 ya choo na yote yametitia

hali ambayo ni hatari kwa afya na usalama wao…hitaji la matundu kwa

shule hiyo ni 42 kwa wavulana na wasichana”alisema.

Mkuu wa shule hiyo Magesa Mnyaraga alisema matundu yanayofanya kazi

kwa wasichana ni 4 na wavulana ni 7 hali ambayo haiwezekani kwa idadi

kubwa hivyo.

“Kwa sasa kuna matundu 12 ambayo  yamefunikwa lakini hayana  majengo

yake,hatua ambayo imepelekea shule kufungwa na mamlaka husika baada ya

kujiridhisha”alisema.

Alibainisha kuwa ili kazi hiyo ikamilike inatakiwa tsh,mil.7 ambazo

alidai wameomba  ofisi ya Mkurugenzi mtendaji na kufunguliwa kwake

mpaka wakamilishe ujenzi huo ambao haujulikani utakamilika lini.

Hata hivyo wazazi wa watoto wanaosoma hapo mwaka jana walichangia kila

mmoja tsh,2,500 kwa kazi hiyo ya vyoo ambazo zinadaiwa hazikutosha.

Hata hivyo huenda ikachukua muda kukamilisha ujenzi huo kutokana na

uamzi wa baraza la madiwani kuamua shule hiyo iliyoko kata ya Stendi

mpya kupelekwa kata ya Morotonga ikiwa nje ya mipaka yakiserikali

,wananchi wa mjini wamegoma kuchangia ujenzi huo.

Uamzi huo ambao ulitolewa muda mfupi tu baada ya Chadema kushinda kata

hiyo katika uchaguzi mdogo na kuipeleka shule kata nyingine ulipingwa

na wataalam kwa kuwa ni nje ya mipaka ya kiserikali umeanza kuleta

madhara kwa watoto wanaosoma hapo.

Diwani wa kata ya Stendi kuu Marwa Ryoba alipoulizwa kuhusiana na

tatizo hilo alisema ni matokeo ya siasa zisizokuwa na tija kwa kuwa

kuhamisha shule na kuipeleka kata nyingine hawamkoi yeye bali wananchi

na watoto ambao hawana itikadi hizo.

Hata hivyo amesema tayari wameishawasilisha barua kwa Mkurugenzi na

ngazi zingine na kuwa wanakusudia kulishughulikia kisheria kwa kuwa

uamzi huo ni wa kisiasa ,maana wakazi wa eneo hilo wako kata yake

lakini shule tu inapelekwa kata nyingine.

Mwaka 2008 wilaya hiyo iliandaa harambee ya kuboresha elimu ya

sekondari iliyofanyikia Mwanza ,Mugumu na Arusha na kupata zaidi ya

tsh,mil,200 ,lakini hakuna kilichokwisha fanyika huku usiri wa wapi

zilipo fedha hizo na zinafanya nini ukiwa umetawala.