PINDA AHIMIZA KUCHANGIA VICOBA YA WATU WENYE ULEMAVU

Mh. Waziri Mkuu Mizengo Pinda akimsalimia mtoto Abrahamu Omari (miezi 3) ambaye amebebwa na mama yake mwenye ulemavu wa ngozi anaitwa Amina Fadhilinyuma ya waziri mkuu ni Mwenyekiti wa Makampuni ya IPP Reginali Mengi

ambaye ndiye alianda chakula kwa walemavu katika kukaribisha mwaka mpya 2013.

Mh Waziri Mkuu Mizengo Pinda akisalimiana Regina Mengi  mtoto wa Mwenyekiti wa Makampuni ya IPP .

Mh Waziri Mkuu Mizengo Pinda akiwa anasalimiana na Redds Miss Tanzania Brigiter Alfred amabaye alikuwa ni miongoni mwa wageni walikwa katika kushiriki chakula cha mchana na walemavu kilichoanadaliwa na Mweyekiti wa Makampuni ya IPP Mzee Mengi Picha na Chris Mfinanga

Mh Waziri Mkuu Mizengo Pinda akiwahutubia walemavu walioalikwa katika chakula cha mchana kilicho andaliwa na Mwenyekiti wa Makampuni ya IPP Reginald Mengi katika kukaribisha mwaka mpya wa 2013 waziri mkuu alikuwa mgeni rasmi katika  hafla hiyo Picha na Chris Mfinanga

…………………………………………………….

WAZIRI MKUU Mizengo Pinda amesema suala la uchangiaji wa VICOBA kwa ajili ya watu wenye ulemavu linahitaji kupangiwa mkakati maalum ili kuweza kupata  fedha za kutosha kuwapatia  mitaji  walemavu  hatua ambayo itawasidia waweze kujitegemea. 

Akizungumza na watu wenye ulemavu jijini Dar-es-salaam wakati wa hafla fupi ya chakula cha mchana kwa ajili ya kuukaribisha mwaka 2013 katika ukumbi wa Diamond Jubilee, Mh.Pinda alisema yuko tayari kukaa na Mkurugenzi Mtendaji wa IPP, Bw. Reginald Mengi ili kuangalia uwezekano wa  jinsi ya kutunisha mfuko wa VICOBA kwa ajili ya watu wenye ulemavu.

“Bwana Mengi amewasha moto mzuri kwa kuwachangia hawa watu sh. milioni 100. Nimeambiwa kuwa walianza kwa kujichangisha sh. milioni 17. Najua nami nawajibika kuwachangia lakini itabidi nikae naye tuone jinsi huduma hii inavyoweza kusambaa na kuwafikia Watanzania wengi zaidi,” alisema Waziri Mkuu.

Alisema ili uwe mpango endelevu, wabuni mpango utakaowajumuisha Watanzania wengi zaidi, wakiwemo wanasiasa, viongozi wa dini na wengine wengi. “Nia yetu ni kila mwenye nacho achangie ili kuwasadia wenzetu wawe na miradi ya kujikimu kimaisha kupitia mikopo ya VICOBA,” alisema.