MBUNGE AKANUSHA KUTOONEKANA JIMBONI KWAKE.

Na Berensi Alikadi.

SIKU Chache baada ya vyombo vya habari kuandika habari za mbunge wa jimbo la Tarime Nyambari Nyangwine kuwa amelisusia jimbo lake kwa muda wa miezi sita,mbunge huyo ameibuga na kusema habari hizo siyo za kweli.

Akiongea na waandishi wa habari jana jijini Dare-salaam,mbunge amesema kuwa taarifa hizo si za kweli bali zilikuwa zinalenga kumchafulia jina lake.

Nyambari alisema kuwa wananchi wa Tarime lazima watambua kuwa mbunge yeyote ni mwakilishi wa nchi nzima na kwamba hata vikao vya bunge vinapoisha huingia katika majukumu mengine ambayo ni ya kitaifa na kwamba suala la kuchelewa kwenda jimboni siyo la makusudi hivyo wananchi lazima watambue hilo.

‘’ Mimi niwaambie hizo ndizo siasa zetu za Tanzania watu wako makini kwa kuandika majungu,wiki iliyopita nilikuwa jimboni na nimefanya mikutano mingi na nimetembelea vijiji vingi na nimekuwa nikifanya hivyo kila mara sasa aliyesema kuwa nimekimbia jimbo huyo ana yake’’alisema Nyangwine.

Akizungumzia mauji ya wananchi yanayoendelea kufanywa na askari polisi katika vijiji vilivyo kando kando ya mgodi wa Nyamongo,mbunge huyo amesema kuwa wananchi wanapaswa kufuata sheria lakini polisi waache kuonea wananchi maana sasa wananchi wamechoka kuonewa.

Mbunge huyo aliutaka mgodi huo kuwalipa fidia wananchi wote wanaodai kwani madai hayo ni mali yao na kwamba wasipofanya hivyo yeye atawaongoza wananchi katika kudai haki yao ambapo amesema kuwa hapo lazima patachimbika kama hawatalipa

Alifafanua kuwa mgodi ulisema kuwa umetenga kiasi cha dola million tano kwa ajili ya kuendeleza wachimbaji wadogo wadaogo wailoko katika maeneo hayo lakini hadi sasa hajatekeleza hivyo ni vyema wakafanya walichoahidi.

Kuhusu  taarifa za kuuzwa kwa mgodi wa Barrick kuuzwa kwa kampuni ya Kichina mbunge huyo amesema kuwa yeye hana taarifa ya kuuzwa kwa mgodi huo na kwamba hata kama umeuzwa anachotaka ni wananchi wake kulipwa fidia.