LEO NDIO LEO, FM ACADEMIA WAZEE WA NGWASUMA KATIKA UKUMBI WA FRANKMANN HOTEL TABORA

Hatimaye ile siku iliyokuwa ikisubiriwa kwa hamu kubwa na wapenzi wa muziki wa dansi mkoani Tabora imewadia ambapo leo majira ya kuanzia saa moja usiku Bendi maarufu nchini na Afrika kwa ujumla ya muziki ya dansi inayojukana kama FM ACADEMIA maarufu WAZEE WA NGWASUMA itapanda jukwaani kuzikonga nyoyo za mashabiki wake katika ukumbi wa maraha na burudani FRANKMANN HOTEL.

Kwa mujibu wa maelezo kutoka kwa mkurugenzi mtendaji wa Kampuni ya Ulinzi nchini Kitumbo Security Guard, Yusuf Kitumbo ambao ndio wadhamini wakubwa wa burudani hiyo itakayoungurumishwa na Wazee wa Ngwasuma katika ukumbi huo,maandalizi yamekwisha kamilika na tayari FM ACADEMIA wamekwisha wasili Tabora mjini kwa ajili ya kushusha burudani hiyo ya nguvu.

Kitumbo amesema FM ACADEMIA wamejipanga vizuri na kwamba watahakikisha wanatoa burudani kabambe na hasa katika vibao vyao vipya kabisa walivyoandalia wakazi wa Tabora kuanzia majira ya saa moja usiku hadi majogoo.

Kuhusu suala la ulinzi mkurugenzi huyo Bw.Kitumbo amesema ni asilimia mia moja kwa kila mdau atakayefika katika ukumbi huo wa FRANKMANN HOTEL kwa lengo la kupata burudani hiyo iliyoandaliwa kitaalam.