WAZIRI LUKUVI AFUNGUA NYUMBA ZA NHC MRARA BABATI

Sehemu ya nyumba 40 za gharama nafuu zilizojengwa na NHC eneo la Mrara Babati mkoani Manyara ambazo zilifumguliwa rasmi na Waziri wa Ardhi, Nyumba na Maendeleo ya Makazi Mhe. William Vangimembe Lukuvi.

.....................................

Waziri wa Ardhi, Nyumba na Maendeleo ya Makazi Mh. William Vangimembe Lukuvi amehitimisha ziara yake ya kutatua migogoro ya Ardhi katika mikoa ya Mwanza, Arusha na Manyara na ameweza pia kuweka jiwe la msingi mradi wa nyumba za gharama nafuu Buswelu Mwanza na kufungua nyumba za aina hiyo zilizojengwa na NHC katika eneo la Longido Arusha na Mrara Babati. Picha za ufunguzi wa Mradi wa Mrara na Muungano Saguya-Babati

Mkurugenzi Mkuu wa NHC Bw. Nehemia Kyando Mchechu akitoa maelekezo kwa watendaji wake muda mfupi kabla ya ufunguzi wa nyumba za gharama nafuu zilizojengwa na NHC eneo la Mrara Babati mkoani Manyara

Kikundi cha sanaa kikiburudisha halaiki ya wananchi( haiku pichani) iliyohudhuria ufunguzi uliofanywa na Waziri Lukuvi wa nyumba za gharama nafuu zilizojengwa na NHC eneo la Mrara Babati mkoani Manyara.

Mkurugenzi Mkuu wa NHC Bw. Nehemia Kyando Mchechu akionyeshwa mipaka ya eneo linalomilikiwa na NHC na Msimamizi wa Mradi wa NHC Mrara Babati Bi Linda Kasilima baada Mkurugenzi Mkuu kubaini kuwepo kwa uvamizi wa baadhi ya viwanja vya Shirika. Kufuatia hali hiyo Mkuu wa Mkoa wa Manyara Mhe. Joel Bendera ameagiza wote waliovamia viwanja hivyo kunyang’anywa mara moja na nyumba zao kuvunjwa bila fidia.

Mkurugenzi Mkuu wa NHC Bw. Nehemia Kyando Mchechu akimpokea Waziri wa Ardhi, Nyumba na Maendeleo ya Makazi Mh. William Vangimembe Lukuvi alipowasili katika mradi wa nyumba za gharama nafuu unaotekelezwa na NHC ambapo aliifungua rasmi baada ya kukamilika. Nyjmba hizo 40 sasa zinauzwa kwa wananchi mbalimbali wa Babati na nje ya Wilaya hiyo wanaohitaji.

Waziri wa Ardhi, Nyumba na Maendeleo ya Makazi Mh. William Vangimembe Lukuvi akivishwa skafu na skauti kuashiria alama ya amani, upendo na mshikamano mara alipowasili kufungua rasmi nyumba za gharama nafuu zilizojengwa na NHC eneo la rara Babati.

Waziri wa Ardhi, Nyumba na Maendeleo ya Makazi Mh. William Vangimembe Lukuvi akitambulishwa na Mkurugenzi Mkuu wa NHC Bw. Nehemia Mchechu Msimamizi wa mradi wa nyumba za gharama nafuu zilizojengwa na NHC eneo la Mrara Babati Bi. Linda Kasilima alipowasili kufungua rasmi nyumba hizo.

Waziri wa Ardhi, Nyumba na Maendeleo ya Makazi Mh. William Vangimembe Lukuvi akifunua kitambaa kuashiria ufunguzi wa nyumba za gharama nafuu zilizojengwa na NHC eneo la Mrara Babati. Nyumba hizo zimeshakamilika na zinauzwa kwa wananchi wanaohitaji wa Bbati na nje ya Babati.

Waziri wa Ardhi, Nyumba na Maendeleo ya Makazi Mh. William Vangimembe Lukuvi akikata utepe kufungua nyumba iliyotayarishwa kuwakilisha ufunguzi rasmi wa nyumba 40 za gharama nafuu zilizojengwa na NHC eneo la Mrara Babati. Kulia kwake ni Mkuu wa Mkoa wa Manyara Mhe. Joel Nkaya Bendera, Mbunge wa Babati Vijijini Mhe. Jituson Vrajilal na Mkurugenzi Mkuu wa NHC Bw. Nehemia Mchechu .

Waziri wa Ardhi, Nyumba na Maendeleo ya Makazi Mh. William Vangimembe Lukuvi akitoka katika nyumba ya mfano aliyoifungua baada kukagua vyumba na ubora wa nyumba zilizojengwa na NHC eneo la Mrara Babati.

Mkurugenzi Mkuu wa NHC Bw. Nehemia Kyando Mchechu akitoa maelezo ya mradi kwa Mhe. Waziri wa Ardhi na halaiki ya wananchi wa Babati(hawapo pichani) waliohudhuria sherehe za ufunguzi wa nyumba za gharama nafuu zilizojengwa na NHC eneo la Mrara Babati.

Sehemu ya halaiki ya wananchi waliohudhuria ufunguzi wa nyumba zilizojengwa na NHC eneo la Mrara Babati uliofanywa na Waziri wa Ardhi, Nyumba na Maendeleo ya Makazi Mhe. William Lukuvi.

Mkuu wa Wilaya ya Babati Bw. Crispin Meela akisalimia wananchi na kumkaribisha Mkuu wa Mkoa wa Manayara kusalimia wananchi katika sherehe za ufunguzi wa nyumba za gharama nafuu zilizojengwa na NHC eneo la Mrara Babati.

Mkuu wa Mkoa wa Manyara Mhe. Joel Bendera akihutubia wananchi na kusisitiza maafisa ardhi na mipango miji kufuata sheria katika usimamaizi na utoaji haki za ardhi Mkoani humo wakati wa sherehe za ufunguzi wa nyumba za gharama nafuu zilizojengwa na NHC eneo la Mrara Babati.

Waziri wa Ardhi, Nyumba na Maendeleo ya Makazi Mh. William Vangimembe Lukuvi akihutubia wananchi na kusisitiza Halmashauri za Wilaya kutenga ardhi kwa ajili ya kuwezesha NHC kujenga nyumba nafuu alipofungua rasmi nyumba za gharama nafuu zilizojengwa na NHC eneo la Mrara Babati.

Mbunge wa Babati Vijini Mhe. Mhe. Jituson Vrajilal akitoa neon la shukrani kwa NHC kwa kuwezesha Wilaya ya Babati kupata nyumba bora na kusaidia vijana mashine za kufyatulia matofali huku akichagiza VETA na taasisi zingine zihusike kusaidia vijana.

Mbunge wa Viti maalum Paulina Gekul akisalimia wananchi na kumpongeza Waziri Lukuvi kwa kuacha ofisi ili kusikiliza kero za wananchi hali aliyosema inafaa kuigwa na Mawaziri wengine.

TANZANIA CHILDREN'S PROJECT YAFANYA HARAMBEE KUSAIDIA WATOTO TANZANIA COLUMBIA,MARYLAND

Balozi wa Tanzania nchini Marekani Mhe. Liberata Mulamula akihudhuria harambee ya Tanzania Children's Project inayoshughulisha na miradi ya afya na elimu Tanzania iliyofanyika siku ya Jumamosi March 21, 2015 Columbia, Maryland. Kulia ni Timothy Lynch ambaye ni Rais wa NGO hiyo, Mhe. Balozi Liberata Mulamula aliongozana na Afisa wa Ubalozi Switebert Mkama(pichani kushoto)

Rais wa Tanzania Children's Project Bwn. Timothy Lynch katika picha ya pamoja na Balozi wa Tanzania nchini Marekani Mhe. Liberata Mulamula.

Wadau mbalimbali waliohudhuria harambee ya Tanzania Children's Project iliyofanyika siku ya Jumamosi March 21, 2015 Columbia, Maryland nchini Marekani.

 

picha ya pamoja

Picha ya pamoja

 

Kikundi cha muziki kikitoa burudani.

ZIARA YA WAZIRI WA ARDHI MH. WILLIAM LUKUVI BABATI MKOANI MANYARA

Mkuu wa mkoa wa Manyara ,Mhe.Joel Nkaya Bendera akizungumza katika kikao cha viongozi wa wilaya zote za mkoa huo kilichofanyika ofisi ya Mkuu wa Mkoa mjini Babati,kushoto ni Waziri wa Ardhi,Nyumba na Maendeleo ya Makazi,Mhe.William Lukuvi na kulia ni Mkuu wa wilaya ya Babati,Crispin Meela.Mhe.Bendera amesisitiza nidhamu ya kazi katika kuhudumia wananchi na ameapa kuwaondoa watendaji wabovu mkoani humo.

Waziri wa Ardhi,Nyumba na Maendeleo ya Makazi,Mhe.William Lukuvi akizungumza katika kikao cha viongozi wa wilaya zote za mkoa wa Manyara kilichofanyika ofisi ya Mkuu wa Mkoa mjini Babati.Ameuagiza uongozi wa mkoa huo kumaliza migogoro ya ardhi ifikapo mwezi Mei mwaka huu.

Mratibu wa Tume ya Waziri Mkuu ya kuhakiki na kuweka mipaka kwenye maeneo yenye migogoro ya ardhi mkoani Manyara,ambaye pia ni Mrasimu Ramani Mwandamizi,Bw.Benedict Mugambi akitoa maelezo ya hatua waliyofikia katika kuweka mipaka mkoani Manyara na kusema kuwa migogoro mingi ya mipaka inasababishwa na wanasiasa. Baadhi ya watendaji wa sekta ya Ardhi Kanda ya Kaskazini na baadhi ya waheshimiwa wabunge akiwemo Mbunge wa Kiteto,Benedct Ole Nangoro na Mbunge wa Viti Maalum,Pauline Gekul wakifatilia maelekezo ya Mhe Lukuvi alipozungumza na watendaji wa mkoa wa Manyara jana.

Wananchi wa mkoa wa Manyara wakimsikiliza Waziri wa Ardhi(hayupo pichani)alipokutana nao kusikiliza kero za migogoro ya ardhi inayosababishwa na watendaji wa sekta hiyo kwenye ukumbi wa halmashauri ya wilaya ya Babati.

Wananchi wa mkoa wa Manyara wakipeana maelekezo yaliyotolewa na Waziri wa Ardhi ya namna ya kuwasilisha malalamiko yao kwa maandishi alipokutana nao kusikiliza kero za migogoro ya ardhi inayosababishwa na watendaji wa sekta hiyo kwenye ukumbi wa halmashauri ya wilaya ya Babati.

Waziri wa Ardhi,Nyumba na Maendeleo ya Makazi,Mhe.William Lukuvi akizungumza na wananchi wa mji wa Babati waliojitokeza kuwasilisha kero zao zinahusu migogoro ya ardhi.Kikao hicho kilihudhuriwa pia na wabunge wa mkoa wa Manyara.

Baadhi ya watendaji wa wizara ya ardhi wakiratibu malalamiko ya wananchi katika kikao kilichofanyika ofisi za halmashauri ya wilaya ya Babati,mkoa wa Manyara. Katibu Tawala wa mkoa wa Manyara,Mhandisi Omar Chambo akisoma taarifa ya migogoro ya ardhi mkoani humo kwa Waziri wa Ardhi,Nyumba na Maendeleo ya Makazi,Mhe.William Vangimembe Lukuvi kwenye ziara yake ya kusikiliza kero za ardhi.

KINANA AENDELEA NA ZIARA YAKE MKOANI ARUSHA

Katibu Mkuu wa CCM Ndugu Abdulrahman Kinana akishiriki kazi ya kugonga kokoto pamoja na akina mama wajasiriamali katika kata ya Elerai mjini Arusha wakati alipowatembelea na kukagua shughuli zao, ambapo aliwaambia "Asiwasumbue mtu wala kuwaambieni muondoke kwani ninawafahamu kwa muda mrefu toka nikiwa Mbunge wa jimbo hili la Arusha mjini miaka ya nyuma", aliwaagiza viongozi wa CCM wa kata hiyo kutojiingiza hata kidogo na kuleta mgogoro na wananchi hao ambao wanajitafutia rizki katika kazi yao hiyo.

Ameongeza kuwa CCM ni chama kinachotakiwa kuwasemea na kuwatetea wanyonge na siyo kuwakandamiza na lazima viongozi na watendaji wa serikali na chama wawajibike kwa wananchi ambao ndiyo walioingia mkataba na CCM ambayo iliunda serikali inayotekeleza ilani yake .

Katibu Mkuu wa CCM Ndugu Abdulrahman Kinana yuko katika ziara ya kikazi ya mkoa wa Arusha akikagua utekelezaji wa Ilani ya Uchaguzi ya CCM ya mwaka 2010 inayotekelezwa na serikali ya CCM na kuhimiza uhai wa Chama Cha Mapinduzi CCM akiongozana na Nape Nnauye Katibu wa NEC Itikadi na Uenezi.(PICHA NA KIKOSIKAZI CHA FULLSHANGWE-ARUSHA)Katibu Mkuu wa CCM Ndugu Abdulrahman Kinana akishiriki kazi ya kuchimba mfereji wa kupitisha mabomba ya maji katika mradi wa maji kata ya Olmot Olkaryan jijini Arusha. Katibu Mkuu wa CCM Ndugu Abdulrahman Kinana kufungua maji ya bomba katika mradi wa maji kata ya Olmot Olkaryan jijini Arusha. Katibu Mkuu wa CCM Ndugu Abdulrahman Kinana akishiriki kazi ya kuchimba mfereji wakati alipokagua ujenzi wa barabara ya Sombetini kwa Mromboo jijini Arusha. Katibu Mkuu wa CCM Ndugu Abdulrahman Kinana akisalimiana na wananchi wa Sombetini kwa Mrombo mara baada ya kukagua barabara hiyo jijini Arusha. Katibu Mkuu wa CCM Ndugu Abdulrahman Kinana akisalimiana na wananchi mbalimbali jijini Arusha. Katibu Mkuu wa CCM Ndugu Abdulrahman Kinana akifungua shina la wakereketwa la Sakina kwa Shamsi Arusha Raha jijini Arusha. Katibu Mkuu wa CCM Ndugu Abdulrahman Kinana wa pili kutoka kushoto akiongozana na Nape Nnauye na viongozi wa mkoa na wilaya ya Arusha wakati akielekea kutembelea soko la Kirombero jijini Arusha. Katibu Mkuu wa CCM Ndugu Abdulrahman Kinana akisalimiana wakati alipowasili katika soko la Kilombero jijini Arusha. Kada wa CCM Viola naye akimwaga maneno ya sumu wakati wa mkutano wa katibu Mkuu wa Ndugu Abdulrahman Kinana na wafanya biashara wa soko la Kilombero jijini Arusha. Nape Nnauye akizungumza na umati wa wafanyabiashara na baadhi ya wananchi mbele ya jengo la Soko la Kilombero jijini Arusha. Baadhi ya wafanyabiashara na wananchi wakiwa katika mkutano huo. Kiongozi wa wafanyabiashara wa soko la Kilombero jijini Arusha akisoma risala kwa Katibu Mkuu wa CCM Ndugu Kinana huku Nape Nnauye akiwa amemshikia kipaza sauti. Katibu Mkuu wa CCM Ndugu Abdulrahman Kinana akisalimiana na wananchi alipowasili katika soko la Kilombero jijini Arusha. Katibu Mkuu wa CCM Ndugu Abdulrahman Kinana akizungumza na wananchi katika kata ya Remala Arusha kulia ni Diwani wa kata hiyo Bw.Karim Mushi. Katibu Mkuu wa CCM Ndugu Abdulrahman Kinana akikabidhi pikipiki Mwenyekiti wa kikundi cha Vijana Maendeleo Group Peter Samwel iliyotolewa na diwani wa kata ya Remala Bw. karim Mushi kulia. Mwenyekiti wa kikundi cha Vijana Maendeleo Group Peter Samwel akijaribu kuendesha pikipiki mara baada ya kukabidhiwa na Katibu Mkuu wa CCM Ndugu Abdulrahman Kinana pikipiki hiyo imetolewa kwa kikundi hicho na diwani wa kata ya Remala Bw. Karimu Mushi

MAMA WA MITINDO ASIA IDAROUS KUPAMBA SIKU YA MWANAMKE DUNIANI ZANZIBAR MARCH 22

..burudani kutolewa na Baby J, Coconut na Zanzibar One Modern taarab

Na Andrew Chale

Machi 22 mwaka huu Kisiwa cha Unguja, Zanzibar kinatarajiwa kuwa na tukio moja kubwa litakalowakutanisha Wanawake mbalimbali na kusheherekea siku ya Mwanamke Dunia, ndani ya ukumbi wa Bwawani Hoteli.

Katika tukio hilo, linatarajiwa kuwa pia na shamra shamra ikiwemo za mitindo ya mavazi kutoka kwa gwiji wa mitindo Nchini, Mama Asia Idarous Khamsin atakaye onesha mavazi mbalimbali siku hiyo akiwa sambamba na Mbunifu wa mavazi wa Zanzibar, Matilda Revelian wa Matty Designs.

Sherehe hizo zimeandaliwa na kikundi cha akina mama cha Zanzibalicious Women Group, chenye maendeleo makubwa kwa sasa hapa nchini.

Usiku huo utapambwa na burudani mbalimbali akiwemo mwanamuziki Baby J. Wengine ni bendi ya Coconut na Zanzibar One Modern taarab.

Aidha, Asia Idarous Khamisin amekisifia kikundi kilichoandaa halfa hiyo ya siku ya Mwanamke Duniani kwa Zanzibar, kwani ndio kwa mara ya kwanza Zanzibar wanawake na kusheherekea siku hiyo ya mwanamke duniani.

Usiku huo kiingilio kinatarajia kuwa sh. 35,000 kwa viti vya kawaida na sh 50,000 kwa upande wa V.I.P.

Aidha, kwa wadau wanaotaka tiketi wanaweza kutembelea katika maduka yaliyopo Mlandege Al Bashaer Tour, Magereza Ms Saloon, Michenzani Sas Saloon au kupitia mawasiliano ya simu ya namba: 0777418324, au 0777868766, 0715080399