WANANCHI WAWATISHIA WATUMISHI WA HALMASHAURI IGUNGA

N a,Mustapha Kapalata.

Igunga

 

BARAZA la Madiwani la Halmashauri ya wilaya ya Igunga Mkoani Tabora limelaani vikali vitendo vinavyofanywa na baadhi ya wananchi kwa kuwatishia uhai wa maisha  wa tumishi wa Halmashauri hiyo.

 

Wakizungumuza katika baraza hilo walisema kuwa watakao bainika na waliobainika kwa kutishia uhai wa maisha ya watumishi na wafanyakazi wa mashirika mbalimbali wachukuliwe hatua za kisheria.

 

Madiwani hao wameitupia lawama kamati ya ulinzi na usalama ya wilaya kuwa  taarifahizo  inazo lakini utekelezaji ni wakusuasua.

 

Baraza hilo liliiagiza kamati ya ulinzi na usalama ya wilaya kufuatilia haraka na sheria kali zichukuliwe mapema.

 

Walisema kitendo cha kamati hiyo kukaa kimya kwa muda mrefu kwa kufanya uchunguzi ni uzembe ambao mtu anaweza kuuawa bila sababu za msingi kwani taarifa kama hizo zikifika zitolewe mapema katika vyombo vya dola ili hatua zichukuliwe.

 

Kitendo hicho cha kutishia maisha watumishi wasisimamie na kutekeleza miradi kinarudiha nyuma m aendeleo ya jamii na kuongeza umasikini pamoja na kuwatia hofu watumishi hao.

 

Katibu wa kamati ya ulinzi na usalama ya wilya Paul Mtenjela alisema kuwa suala hilo linafanyiwa uchunguzi na kuongeza kuwa muda utakapo wadia litafikishwa katika vyombo husika tayari kwa sheria kufuata mkondo wake kwa watuhumiwa watakao bain ika.

 

Mkuu wa Polis wilaya Issa Ismail Muguha alisema vitisho hivyo vya watumishi havijafika ofisini kwake na kuongeza kuwa wote waliotishiwa maisha wafike ofisini kwake tayari kwa kuchukua hatua za kisheria ikiwa nipamoja na kufikishwa mahakamani kwa watakao bainika na tuhuma hizo za kutishia uhai wa maisha ya watumishi na wananchi kwa ujumla.

 

Muguha alisema endapo taarifa hizo zinge fika ofisini kwake hatua kari zingechukuliwa kwa watuhumiwa hao tofauti na sasa watu hao bado wapo uraiani haliambayo watumishi wanashindwa kufanya kazi zao vizuri.