BIMA YA AFYA NHIF YAWATAKA BODABODA KUJIUNGA NA MFUKO WA AFYA YA JAMII

Bi.MARIAM WILMORE:Mjumbe wa Bodi ya Bima ya Afya NHIF,kimsikiliza Mwenyekiti wa Chama cha Madereva wa Bodaboda mjini Tabora wakati akitoa shukrani kwa msaada wa Sare walizopewa na NHIF. 

Bw.EMMANUEL HUMBA:Mkurugenzi mkuu wa Mfuko wa Taifa wa Bima ya Afya wakati akizungumza na waendesha Bodaboda mjini Tabora.

Bw.SALUMU MBOGA:Kamanda wa Polisi mkoa wa Tabora kitengo cha usalama barabarani

Uongozi ngazi ya juu wa mfuko wa Taifa wa Bima ya Afya NHIF umewataka waendesha bodaboda kujiunga na mfuko wa afya kwa jamii CHF ili uwe na msaada kwao na hasa wakati wa kuhitaji huduma ya matibabu.

Mkurugunzi mkuu wa Mfuko wa Taifa wa Bima ya Afya nchini Bw.Emmanuel Humba akizungumza katika zoezi la ugawaji wa sare za usalama kwa waendesha Bodaboda mjini Tabora alitumia fursa hiyo pia kuwataka kuwa makini wakati wanapotumia vyombo hivyo vya usafiri wa pikipiki ili kuepuka ajali zisizo za lazima.

Mbali na tahadhari hiyo ambayo pia ililenga kuwakumbusha ajali nyingi zinazojitokeza ambazo husababishwa na waendesha vyombo hivyo vya usafiri pia aliwataka wajiunge na mfuko wa Afya kwa jamii CHF ambao alieleza kuwa utawasaidia na hasa wakati wanapokumbwa na majanga ya ajali barabarani yatakayowalazimu kuhitaji matibabu.

Kwaupande wake mjumbe wa bodi ya NHIF Bi.Mariam Wilmore akizungumza na waendesha Bodaboda hao kabla ya kugawa sare hizo aliwataka madereva hao kuiheshimu kazi yao na kuona kuwa ni kazi kama kazi nyingine halali ambayo inaweza kuwasidia kuendesha maisha yao ya kawaida.

Akizungumzia suala la usalama kwa waendesha Bodaboda hao Kamanda wa Polisi mkoa wa Tabora kitengo cha Usalama barabarani Bw.Salumu Mboga aliipongeza Bima ya Afya kwa hatua ya kuwafikiria madereva hao wa Bodaboda kwa kuwapatia sare hizo na huku akiwataka waanze kuzivaa kutokana na ukweli kwamba zina rangi maalum inayowezesha kuonekana kwa urahisi hasa nyakati za usiku wawapo barabarani na hivyo kupunguza uwezekano wa ajali zisizo za lazima.