JINSI RAIA WA SUDAN KUSINI WANAVYOKABILIWA NA NJAA

Raia wa Sudan Kusini wakabiliwa na njaa

Shirika la chakula duniani limesema kuwa hali hiyo imechangiwa pakubwa na machafuko kati ya Sudan Kusini na jirani zao Sudan.

Shirika hilo limesema kuwa mapigano katika maeneo ya mipaka na pia kufungwa kwa visima kadhaa vya mafuta kumetatiza uchumi wa Sudan Kusini.

 

Ripoti hiyo inaonya kuwa kadiri machafuko yanavyoendelea kati ya Sudan na Sudan Kusini ndivyo baa la njaa linazidi kutatiza wa Sudan Kusini.

 

Hapo awali ilikadiriwa kuwa watu takriban zaidi ya milioni 4.7 walikuwa wanakabiliwa na njaa. Lakini sasa yaonekana hali ni mbaya zaidi.

 

Nchi hiyo kwa wakati huu inahitaji nafaka tani nusu milioni.

Barabara mbovu zinafanya mambo kuwa magumu zaidi kwani usambazaji wa vyakula huwa vigumu zaidi.

Chanzo:BBC