"ASIYEKUWA NA FEDHA KAMWE HAWEZI KUPATA UONGOZI NDANI YA CCM HATA KAMA NI WA NGAZI YA CHINI"-SAID NKUMBA

Aliyekuwa mbunge wa Jimbo la Sikonge Bw.Said Nkumba akibebwa kwa kupokezana na umati mkubwa wa wananchi wa Jimbo la Sikonge wakati walipokuwa wakimpokea wilayani humo baada ya kuhama Chama cha Mapinduzi na kujiunga na Chadema huku akionesha hali ya kukubalika kwake mbele ya maelfu ya Wananchi wa wilaya ya Sikonge.

Maelfu ya watu wakazi wa wilaya ya Sikonge wakimsikiliza Bw.Said Nkumba wakati alipokuwa akihutubia Mkutano mkubwa wa hadhara katika viwanja  vya  Tasaf Sikonge  ikiwa ni mara ya kwanza tangu kujiunga kwake na Chadema baada ya kukihama CCM chama ambacho alidai kuwa hakitoi haki kwa Wananchi wa kawaida kupata fursa ya kuwa viongozi pasipo kutumia Rushwa.Nkumba ametoa tamko hilo kufuatia kujeruhiwa kwake katika mchakato wa kura za maoni ambapo amedai kuwa alifanyiwa hujuma ambazo zilikiuka taratibu za Uchaguzi uliohuru na haki ndani ya Chama hicho kikongwe cha CCM.

Umati mkubwa wa wananchi wa Wilaya ya Sikonge wakiwa katika mkutano huo wa hadhara wakimsikiliza aliyekuwa Mbunge wa Jimbo hilo Bw.Said Nkumba.

Baadhi ya Wananchi ambao waliamua kukihama Chama cha Mapinduzi na kuhamia Chadema baada ya kumsikiliza na kumkubali Bw.Said Nkumba katika mkutano huo uliokuwa kivutio kikubwa kutokana na wingi wa watu wanaoonesha kumuunga mkono Said Nkumba.

Bw.Said Nkumba akizungumza na wakazi wa kijiji cha Pangale wilaya ya Sikonge kabla ya kuhutubia katika mkutano wa hadhara mjini Sikonge.