KITUO CHA KULEA WATOTO YATIMA CHA MATYAZO CHAKIRI KUELEMEWA NA MZIGO WA MATUNZO YA WATOTO-KIGOMA

Picha kutoka maktaba ya KAPIPIJhabari.COM

Na Magreth Magosso,Kigoma

KITUO cha kulea Watoto  yatima na waliotelekezwa  Cha Matyazo kilichopo halmashauri ya Wilaya ya Kigoma Mkoa wa Kigoma,kimeitaka Wizara ya Ustawi wa Jamii iwajibike kujibu barua za maombi za wananchi wanaohitaji kuwaasili  watoto waliovuka umri wa miaka miwili.

Kauli hiyo inatokana na Changamoto kubwa ya wanafamilia waliowapeleka watoto wachanga yatima na waliotelekezwa kuwasusa pindi watimizapo umri huo kwa mujibu wa lengo la ulezi wa kituo hicho,ambacho kwa sasa kinakabiliwa na ukosefu wa fedha za kuhimilili matunzo ya vichanga hivyo.

Mbali na hilo wameziomba Asasi za kiraia na Serikali hususani tasisi za  kifedha na za mawasiliano  ziwajibike kutoa sehemu za faida za mapato katika uchangiaji wa kulea watoto wachanga ambao wanamahitaji maalum ambapo inahitajika fedha nyingi ili kuwahudumia katika tiba,elimu, chakula,mavazi na motisha kwa wahudumu wa ulezi huo

.

Akifafanua hilo juzi kituoni hapo kwenye upokeaji wa msaada wa vifaa mbalimbali kutoka kwa Dawati la Jinsia kigoma Mlezi wa kituo hicho Mary Leonard akiri kituo kuzidiwa uwezo wa watoto ,kutokana na familia kuiachia kituo watoto waliovuka sifa ya kuwepo hapo.

“kituo kina uwezo wa kulea watoto 60 lakini tuna watoto 65 mmoja ana miaka tisa naishi naye nyumbani walezi namba za simu hazipatikani hawataki kuwachukua,wizara husika ilipelekewa barua sita za maombi ya  kuwachukua watoto sita  wakaishi nao majibu hakuna tukiuliza kwa kamishna mkuu anadai amesaini barua lakini kituoni hazijafika” alidai Leonard.

Kwa upande wa Mkaguzi wa kituo hicho Sister Andrea Lehmann alisema awali wahisani kutoka  Nchi ya Jerumani iliendesha kituo hicho,ambapo mwaka juzi waliondoka na kuiachia halmashauri husika,ambapo mahitaji makubwa ni tiba kwa watoto wenye mabukizi ya Virusi vya ukimwi,mdomo wa sungura na mwenye kichwa kikubwa na fedha za  usafiri wa kuwafikisha CCBRT kupata tiba kwa wakati.

Lehmann alisema kitendo cha kuwatembelea watoto ni faraja kwa walezi wa kitu hicho na kuwatia moyo kwa huduma wanayotoa naina h waa kusihi mradi wa kutoa huduma ya midomo ya sungura na vichwa vikubwa wakiangalie kwa jicho la tatu kituo hicho ambacho kina watoto watoto hao wasio na hatia ya kuwa katika hali hiyo,wakatihuohuo watoto hutumia kilo 100 za maziwa kwa mwezi.

Akikabidhi msaada huo  Kamanda wa Polisi wa hapa Jafari Mohamed  alisema watoto wana mahitaji makubwa kutokana na uhalisia wa ulezi wa watoto wachanga ambao wanahitaji maziwa,sabuni mahususi za kuogeshewa na kufua,mafuta,madawa kutokana na watoto waliowengi kusumbuliwa na vipele na vidonda.

Naye Kaimu mwenyekiti wa dawati hilo Consolata Kashumba alisema wametumia kiasi cha shilingi milioni 1.5 kununua blanketi 16,kilo 6 ya sabuni ya unga,mafuta ya kupaka robo katoni,nguo ,nepi dazeni mbili,mchele ,ngano na mharagwe kiasi tuvifaa  ambavyo vitawasaidia kwa siku chache na kuomba kila idara ya serikali na binafsi za hapo zisaidie  watoto yatima katika vituo husika.